არჩილ გურჯიძე

დაბადების ადგილი: სოფელი ბიღა, ჭიათურის რაიონი.

1935 წლიდან ცხოვრობდა და მოღვაწეობდა ქუთაისში; პირველი ლექსი 1935 წელს გამოაქვეყნა გაზეთ "სტალინელში". კიევში სწავლისას ის საფუძვლიანად გაეცნო უკრაინულ მწერლობას; სიცოცხლის ბოლომდე მეგობრობდა უკრაინელ პოეტებთან; მისი ნაწარმოებები სისტემატურად იბეჭდებოდა ჟურნალ-გაზეთებში; ავტორია კრებულებისა: "გავთალე ნედლი ლერწამი", "ლირიკა", "ფესვები", "ყველგან ჩემი სახლია" და სხვ; მუშაობდა კულტურის სახლის დირექტორად, ალ. წულუკიძის სახლ-მუზეუმის დირექტორად, სახელმწიფო პედაგოგიური ინსტიტუტის ბიბლიოთეკის გამგედ, საქართველოს მწერალთა კავშირის ქუთაისის განყოფილების ხელმძღვანელად, ამ განყოფილების პოეზიის სექციის ხელმძღვანელად. იყო ჟურნალ "რიონის" სარედაქციო კოლეგიის უცვლელი წევრი; ბოლოს გამომცემლობა "საბჭოთა საქართველოს" ქუთაისის ფილიალის რედაქტორი იყო; მისი უშუალო რედაქტორობით არაერთი მწერლის წიგნი გამოვიდა. დაიღუპა ტრაგიკულად. 

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ.109

• სიჩუმის ბაღში : ლექსები (ავტორი). - ქუთაისი, საბჭ. საქართველო, ქუთაისის ფილიალი, 1984. - 190გვ.
• ვინ მეძახდა... "მწვანეყვავილას მწვანე ბორცვებზე..." : ლექსები (ავტორი). - ქუთაისი, საბჭ. საქართველო, ქუთაისის ფილიალი, 1979. - 166გვ.
• მადლი მზისა : ლექსები (ავტორი). - თბილისი, საბჭოთა საქართველო, 1975. - 80გვ.
• რჩეული : ლექსები (ავტორი). - თბილისი, მერანი, 1974. - 280გვ.
• ფესვები : ლექსები (ავტორი). - თბილისი, საბჭოთა საქართველო, 1972. - 93გვ.
• გავთალე ნედლი ლერწამი : ლექსები (ავტორი). - თბილისი, საბჭოთა საქართველო, 1961. - 107გვ.
• ლექსები (ავტორი). - თბილისი, საბჭოთა მწერალი, 1955. - 98გვ.