ეთერ მათურელი

დაბადების ადგილი: დაბა თიანეთი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1978 წელს; თბილისის სახელმწიფო უნივერსიტეტის ეკონომიკის ფაკულტეტი, წარმოების მართვის ეკონომიკა - 1989 წელს.

1975-1985წწ. – ქ. თბილისის საიუველირო ქარხანა; 1985 წლიდან მუშაობს დასაქმებულთა შრომითი უფლებების დაცვის საკითხებზე. არჩეული იყო პროფკავშირების თბილისის საქალაქო გაერთიანების თავმჯდომარედ, შემდგომ - პროფკავშირების გაერთიანების საორგანიზაციო სექტორის გამგედ; 2009 წლის 25 სექტემბრიდან – საქართველოს პროფესიული კავშირების გაერთიანების თავმჯდომარის მოადგილე; 2012 წლიდან ხელმძღვანელობს დასაქმებულ ქალთა მოძრაობას პროფკავშირებში; არის პროფკავშირების ქალთა კომიტეტის თავმჯდომარე; 2013 წელს აირჩიეს პროფკავშირების საერთაშორისო კონფედერაციის ევროპის რეგიონული ორგანიზაციის ქალთა კომიტეტის წევრად; 2016 წლიდან - ამ ორგანიზაციის ვიცე-პრეზიდენტი. აქტიურად თანამშრომლობს ქვეყანაში მოქმედ არასამთავრობო ორგანიზაციებთან, რომლებიც ქალთა უფლებების თემაზე მუშაობენ.

წყარო: თავისუფლების დღიურები, 2017, მე-12 წიგნი: რადიო "თავისუფლების" პროექტი/პროექტის ავტორი დავით კაკაბაძე.-თბ., 2018. -გვ.69

• არასამთავრობო ორგანიზაცია "ჩვენი ფშავი", დამფუძნებელი

• საქართველოს პროფესიული კავშირების გაერთიანება, 2013-2017 : კრებული (რედაქტორი). - თბილისი, 2017. - 88გვ.