ანზორი დუნდუა

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ავტომატიკისა და გამოთვლითი ტექნიკის ფაკულტეტი რადიოინჟინრის სპეციალობით  1967 წელს.

1961-1963წწ. მუშაობდა სსრკ რადიო ინდუსტრიის სამინისტროს რადიოქარხნაში  ტექნიკოსად; 1968-1970წწ. საქართველოს მეცნიერებათა აკადემიის კიბერნეტიკის ინსტიტუტი, წამყვანი ინჟინერი; 1970-1998წწ. საქართველოს მეცნიერებათა აკადემიის კიბერნეტიკის ინსტიტუტის უფროსი მეცნიერ-თანამშრომელი; 1978-1979წწ. გაიარა სტაჟირება მეტროლოგიური სამსახურის საკავშირო სამეცნიერო-კვლევით ინსტიტუტში ექსპერიმენტული ფიზიკის განხრით, სადაც დაიცვა დისერტაცია; 1998-1999წწ. მუშაობს შპს "ჟინერის"(ჟინვალჰესი) დირექტორის მოადგილედ, 1999-2003წწ. კი დირექტორად, 2003-2005წწ. შპს "ჟინერის" პროექტების დირექტორი; 2003-2007წწ. შპს "ავტოენერგო"- ს გენერალური მენეჯერი, ხოლო  2007 წელს ამავდროულად, შპს "საქართველოს საინჟინრო ენერგოკომპანიის" დირექტორი,  2007-2009წწ. "საქართველოს ენერგორესურსების ეფექტურად გამოყენების ასოციაციის" ("სერეგა") ექსპერტი; 2009 წლიდან შპს  "აუდიტორული კომპანია ენერგოინსპექტირების ცენტრის " ექსპერტი. გამოქვეყნებული აქვს 30 სამეცნიერო ნაშრომი სსრკ და აშშ-ს ჟურნალებში ნახევარგამტარების ელექტრული და ოპტიკური თვისებების შესახებ, საგაზეთო, საჟურნალო სტატიები და 7 პატენტი ენერგეტიკაში. გამოქვეყნებული აქვს ნაშრომები: "დუშეთის რაიონის ენერგეტიკული პასპორტის შემუშავება"; "ენერგიის გარეშე  დარჩენილი სოფლების ენერგოუზრუნველყოფა" (USAID, VINROK). ფიზიკა-მათემატიკის მეცნიერებათა კანდიდატი (1979).

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ. 111