მიხეილ ელბაქიძე

დაბადების ადგილი: ქ. კასპი

დაამთავრა საქართელოს პოლიტექნიკური ინსტიტუტის სამშენებლო ფაკულტეტი 1941 წელს.

1941 წლიდან მუშაობდა საქართველოს ენერგეტიკის სამეცნიერო-კვლევით ინსტიტუტში: 1975 წლიდან ინსტიტუტის რკინაბეტონის კონსტრუქციის განყოფილების გამგეა. მისი შემოქმედების სფეროს წარმოადგენდა ჰიდროტექნიკური ნაგებობების ბეტონის ხანმედეგობის კრიტერიუმების დადგენა. გამოქვეყნებული ჰქონდა 150 სამეცნიერო ნაშრომი, მათ შორის 2 მონოგრაფია. დაჯილდოებული იყო საქართველოს უმაღლესი საბჭოს საპატიო სიგელით და სხვა ჯილდოებით, მათ შორის: "ელექტროფიკაციის ფრიადოსანის" და "მოსკოვის დაცვის" მედლებით. წლების განმავლობაში იყო საქართველოს ტექნიკურ უნივერსიტეტთან არსებული სადისერტაციო საბჭოს და სამეცნიერო საბჭოს წევრი. ტექნიკურ მეცნიერებათა კანდიდატი (1952), ტექნიკურ მეცნიერებათა დოქტორი (1975), პროფესორი (1975).

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ.114

• სამამულო ომის II ხარისხის ორდენი