ოსიკო გვარიშვილი

დაბადების ადგილი: სოფელი ხალა, ქობულეთის რაიონი. 

დაამთავრა მოსკოვის კოოპერაციის ინსტიტუტი ვაჭრობის ეკონომისტის სპეციალობით.

სხვადასხვა დროს მუშაობდა: ბათუმის ვაჭრობის ტექნიკუმის დირექტორად, პარტიულ თანამდებობებზე: აჭარის ვაჭრობის მინისტრის მოადგილედ, აჭარის უზენაესი საბჭოს თავმჯდომარის მრჩევლად; 1997-2003 წლებში იყო დემოკრატიული აღორძინების კავშირის გენერალური მდივანი,  ბოლო წლებში ბათუმის სახელმწიფო მრავალდარგობრივი უმაღლესი კოლეჯის რექტორად მუშაობდა. ეწეოდა მთარგმნელობით საქმიანობას. თარგმნილი აქვს თურქი მწერლების: აზიზ ნესინის, ოქტაი რიფათის, ორჰან ქემალის, საბაჰათინ ალის, ომერ სეიფედდინისა და სხვათა ნაწარმოებები. გამოცემული აქვს წიგნები: "ავადმოსაგონარი - 1937" (1997), "მემედ აბაშიძე - მოაზროვნე და მწერალი" (თანაავტორი, 1999), "აზიზ ნესინის იუმორის ძალა" (2001). ქართველ და სომეხ ხალხებს შორის კულტურულ-ლიტერატურული და მეგობრული ურთიერთობის განმტკიცებაში შეტანილი წვლილისთვის მიღებული აქვს შარლ აზნავურის საპატიო პრემია.

წყარო: საინფორმაციო ცნობარი აჭარაში მოღვაწე მწერალთა შესახებ / შემდგენელი ცისანა ანთაძე.-ბათუმი, 2019.-გვ.147

• აჭარის მინისტრთა საბჭო, თავმჯდომარის მოადგილე
• აჭარის უზენაესი საბჭოს დეპუტატი, პრეზიდიუმის წევრი

• 2000 - ღირსების ორდენი
• საქართველოს დამსახურებული მასწავლებელი

• აზიზ ნესინის იუმორის ძალა (ავტორი). - ბათუმი, აჭარა, 2001. - 102გვ.. - ISBN: 99928-850-0-9
• მემედ-ბეგ აბაშიძე მწერალი და მოაზროვნე (თანაავტორი). - ბათუმი, ს.ს. "გამომცემლობა აჭარა", 1999. - 154გვ.. - ISBN: 99928-44-38-8
• ავადმოსაგონარი 1937 წელი : დოკუმენტური მოთხრობები, წერილები, სტატიები, თარგმანები (ავტორი). - ბათუმი, აჭარა, 1998
• კაცს ძალად გააგიჟებენ : მოთხრობები / აზიზ ნესინი ; თურქ. თარგმნა ოსიკო გვარიშვილმა (მთარგმნელი). - ბათუმი, აჭარა, 1994. - 164გვ.