დიმიტრი კვირკველია

დაბადების ადგილი: სოფელი მაიდანი, აბაშის რაიონი.

დაამთავრა ქუთაისის ინდუსტრიული მუშაფაკი 1935 წელს.

სწავლის პარალელურად მუშაობდა რიონჰესის მშენებლობაზე. შემდეგ იყო პოლიტმუშაკი, მრავალტირაჟიანი გაზეთის რედაქტორი. საქართველოს სსრ პირველი მოწვევის უმაღლესი საბჭოს მე-7 სესიამ აირჩია საქართველოს სსრ უმაღლესი სასამართლოს ერთ-ერთ მსაჯულად ქუთაისში, ასევე იყო საქართველოს მწერალთა კავშირის ქუთაისის განყოფილების პასუხისმგებელი მდივანი. პირველი მოთხრობა გამოაქვეყნა 1930 წელს. 1937 წლიდან სხვადასხვა პერიოდულ გამოცემებში იბეჭდებოდა მისი მოთხრობები: "ხაშიმ კიოტი", "გრიგალი", "მეტივე", "ფრონტი", "შეხვედრა ჯოკიასთან", "გამომძიებელი", "სიფხიზლე", "თეთრების გაქცევა"; ასევე აქვეყნებდა ნარკვევებს საკოლმეურნეო ცხოვრებიდან და საქართველოს რევოლუციური წარსულიდან.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.658