ნოდარ მოდებაძე

დაბადების ადგილი: ქ. ბათუმი.

სხვადასხვა დროს მუშაობდა: გაზეთ "საბჭოთა აჭარის" კორექტორად, ჟურნალ "ლიტერატურულ აჭარაში" ლიტმუშაკად, საქართველოს მწერალთა კავშირის აჭარის ორგანიზაციის რეფერენტად, მხატვრული ლიტერატურის პროპაგანდის ბიუროს თავმჯდომარედ; 1978 წლიდან გარდაცვალებამდე იყო ილია ჭავჭავაძის სახელობის ბათუმის დრამატული თეატრის სალიტერატურო ნაწილის გამგე; დაწერილი და გამოქვეყნებული აქვს საიუბილეო ბუკლეტები თეატრის ისტორიისათვის (თეატრის 30 მსახიობზე). ასევე, შექმნილი და დასტამბული აქვს მონოგრაფია საქართველოს სახალხო არტისტის, ნუნუ თეთრაძის ცხოვრებისა და სამსახიობო მოღვაწეობის შესახებ. პირველი კრებული 1968 წელს გამოაქვეყნა; გამოსცა წიგნები: "ყვავილობიდან ფოთოლცვენამდე" (რომანი, 1970), "ქალი და ჩიტები" (მოთხრობები, 1072), "ქარში მოტეხილი ტოტი" (მოთხრობები, 1974), "მე და შენ" (რომანი, 1979), "მახინჯი" (1981), "სილაში ვარდი" (რომანი, 1985), "არა იპარო" (რომანი, 1988), "ბოლო სიცრუისა" (რომანი, 1990), "თეა" (რომანი, 1991). ავტორია მხატვრული ნარკვევებისა, რომლებიც ცალკე წიგნადაა გამოცემული ("მეთერთმეტე მზის ნათება"). ესაა ციკლი, სადაც საუბარია აჭარა-მესხეთის ისტორიულ და დღევანდელ ადამიანებზე.

წყარო: საინფორმაციო ცნობარი აჭარაში მოღვაწე მწერალთა შესახებ / შემდგენელი ცისანა ანთაძე.-ბათუმი, 2019.-გვ.170

• ცისკრის სიზმარი : რომანი (ავტორი). - ბათუმი, აჭარა, 1998. - 216გვ.
• ბოლო სიცრუისა : რომანი (ავტორი). - ბათუმი, საბჭოთა აჭარა, 1990. - 246გვ.
• ჭურვები ცაში სკდებიან : რომანი (ავტორი). - ბათუმი, საბჭ. აჭარა, 1985. - 174გვ.
• სილაში ვარდი : რომანი. მოთხრობები (ავტორი). - ბათუმი, საბჭ. აჭარა, 1983. - 175გვ.