აკაკი კვიციანი

დაბადების ადგილი: სოფელი ბეჩო, მესტიის რაიონი.

1942 წლიდან ომის დამთავრებამდე იგი აქტიურად მონაწილეობდა დიდ სამამულო ომში და შემართებით ებრძოდა გერმანელ ფაშისტ დამპყრობლებს. სრულიად ახალგაზრდა იყო იგი, როცა მესტიის უნიკალური მუზეუმის ხელმძღვანელობა დაავალეს. მაშინ მუზეუმში ექსპონატთა რაოდენობა 400-ს არ აღემატებოდა. სწორედ მის დიდ დამსახურებას და დაუღალავ შრომას განეკუთვნება ის, რომ დღეისათვის მუზეუმი 700-მდე ექსპონატით არის შევსებული. შემდგომ წლებში მესტიის რაიონის კულტურის განყოფილებასა და კულტურული მემკვიდრეობის ცენტრს ხელმძღვანელობდა. მისი თაოსნობით და უშუალო ხელმძღვანელობით რესტავრაცია გაუკეთდა და აღდგენილი იქნა არა ერთი კულტურული ძეგლი. აღადგინა პლატონ დადვანის სახელობის ცეკვისა და სიმღერის ანსამბლი, რომელმაც რესპუბლიკურ ფესტივალზე დიდ წარმატებას მიაღწია. დაჯილდოებული იყო როგორც საბრძოლო, ისე შრომაში მიღებული ორდენებითა და მედლებით.

წყარო: სვანეთი და სვანები / ირაკლი დვალი, გივი ქურდიანი.-თბ., 2014.-გვ.213

• 1971 - საპატიო ნიშნის ორდენი
• საქართველოს კულტურის დამსახურებული მუშაკი
• ღირსების ორდენი