ამირან შერვაშიძე

დაბადების ადგილი: ქ. ბათუმი.

დაამთავრა კიევის კინემატოგრაფიის ინსტიტუტის სასცენო განყოფილება 1935 წელს.

მუშაობდა თბილისის "სახკინმრეწვის" სასცენარო განყოფილებაში, აჭარის რევოლუციის მუზეუმში; იყო აჭარის განათლების კომისარიატის სალექციო ბიუროს უფროსი, საზოგადოება "ცოდნის" აჭარის განყოფილების ლექტორი; სამწერლო მოღვაწეობა მოთხრობების, ნოველებისა და რომანების წერით დაიწყო; გამოაქვეყნა კრებულები: "ბაგრატიონი", "ყიზლარიდან ბოროდინომდე", "ერთგულება", "პრომეთეოსის ქალიშვილი", "პროვინციელები" და სხვ; დაწერილი აქვს ცხრა პიესა, მათგან შვიდი ბათუმის სახელმწიფო დრამატული თეატრის სცენაზე დაიდგა: "კრავჩუკის ცრემლები" (1940), "გენერალი ბაგრატიონი" (1942-1952), "ოქროს სამაჯურები" (1954), "პროვინციელები" (1956), "მზე" (1914-1961), "სიმღერა შევარდენზე" (1960-1975), "მღერის ჰავანა" (1964) და სხვ; ა. შერვაშიძის პიესები თარგმნილია მრავალ ენაზე და წარმატებით იდგმებოდა საბჭოთა კავშირისა და საზღვარგარეთის სხვადასხვა ქალაქში; მისი ინიციატივითა და ძალისხმევით შეიქმნა ბათუმის ზღვისპირა პარკში გამოჩენილ მწერალთა ბიუსტების ხეივანი. მწერლის გარდაცვალების შემდეგ ბათუმის ერთ-ერთ ქუჩას მისი სახელი მიენიჭა, მის სახლზე კი გაკრულია მემორიალური დაფა წარწერით.

წყარო: საინფორმაციო ცნობარი აჭარაში მოღვაწე მწერალთა შესახებ / შემდგენელი ცისანა ანთაძე.-ბათუმი, 2019.-გვ.196

• საქართველოს მწერალთა კავშირი, წევრი (1953-)

• აჭარის ასსრ ხელოვნების დამსახურებული მოღვაწე

• ბაგრატიონი : მხედართმთავარი (ავტორი). - ბათუმი, საბჭოთა აჭარა, 1983. - 142გვ.
• ვივა კუბა! = Вива Куба! : პიესა (ავტორი). - თბილისი, ხელოვნება, 1977. - 170გვ.
• ბაგრატიონი : პეტრე. ისტ. რომანი (ავტორი). - ბათუმი , საბჭ. აჭარა, 1976. - 206გვ.
• მახინჯაურელი ჭაბუკი : მოთხრობები (ავტორი). - ბათუმი, აჭარის ასსრ სახელგამი, 1958. - 70გვ.
• მზე : პიესა 4 მოქმედებად (ავტორი). - ბათუმი, აჭარის ასსრ სახელგამი, 1955. - 72გვფ.
• ოქროს სამაჯურები : ისტორიული დრამა 4 მოქმედებად და 11 სურათად (ავტორი). - ბათუმი , სახელგამი, 1954. - 58გვ.