მუხრან კობალაძე

დაბადების ადგილი: ქ. ბათუმი.

დაამთავრა ბათუმის შოთა რუსთაველის სახელობის სახელმწიფო პედაგოგიური ინსტიტუტის ფილოლოგიის ფაკულტეტი 1968 წელს.

წლების განმავლობაში მუშაობდა: 1969-1979წწ. შუახევის რაიონის სოფლების - ბრილისა და ბარათაულის სკოლების პედაგოგად, აჭარის რადიოკომიტეტის ახალგაზრდული გადაცემის რედაქტორად, გაზეთ "აჭარის" კორესპონდენტად; 1980-1985წწ. აჭარის ხალხური შემოქმედების სახლის ლიტერატურისა და ხელოვნების განყოფილების მეთოდისტად, აჭარის კულტურის სახლის დირექტორის მოადგილედ; 1985-2005წწ. ბათუმის ილია ჭავჭავაძის სახელობის სახელმწიფო დრამატული თეატრის ლიტერატურული ნაწილის გამგედ; 1996-2004წწ. გაზეთ "აღორძინების" რედაქტორის მოადგილედ (1990); 1991 წელს დააარსა აჭარაში პირველი სპორტული გაზეთი "ოლიმპიური მოამბე"; 1996-2004წწ. გაზეთ "ბათუმის" რედაქტორად; 2005-2007წწ. ბათუმის შოთა რუსთაველის სახელობის სახელმწიფო უნივერსიტეტის ლიტერატურული წრის ხელმძღვანელად; გაზეთ "ბათუმური ქრონიკების" ლიტერატურულ რედაქტორად (2008). ავტორია წიგნებისა: "ტრადიციები გრძელდება", "ცისფერი ალის სიკეთე", "ოსტატი", "გული უბერებელი", "დაზამთრებამდე" და ხორუმი". პრესის ორგანოებში ხანგრძლივი და ნაყოფიერი მუშაობისთვის მიღებული აქვს აჭარის ავტონომიური რესპუბლიკის უზენაესი საბჭოს საპატიო სიგელი (1996).

წყარო: საინფორმაციო ცნობარი აჭარაში მოღვაწე მწერალთა შესახებ / შემდგენელი ცისანა ანთაძე.-ბათუმი, 2019.-გვ.217; საქართველოს ნეკროპოლი: geonecropol.com

• საქართველოს ჟურნალისტთა შემოქმედებითი კავშირის აჭარის რეგიონალური ორგანიზაცია, კოორდინატორი (2005-)
• საქართველოს სპორტულ ჟურნალისტთა ასოციაციის აჭარის ორგანიზაცია, პრეზიდენტი (1995-)
• საქართველოს სპორტულ ჟურნალისტთა აღმასრულებელი კომიტეტი, წევრი
• სრულიად საქართველოს ჩოხოსანთა დასი, წევრი (2006-)

• 2010 - ნიკო ნიკოლაძის სახელობის პრემია
  ქართული ჟურნალისტიკის განვითარებაში შეტანილი წვლილისა და მასობრივი ინფორმაციის საშუალებებში ხანგრძლივი ნაყოფიერი მუშაობისთვის

• მოფერებას ნუ დამიშლი : მოგონებები და ლექსები (ავტორი). - თბილისი, ალიონი, 2012. - 272გვ.
• დაზამთრებამდე : ნოველები (ავტორი). - ბათუმი, აჭარა, 2002. - 180გვ.
• გული უბერებელი : ენვერ ხაბაძე (ავტორი). - ბათუმი, აჭარა, 1995. - 84გვ.
• ტრადიციები გრძელდება : ნარკვევი ხელვაჩაურის რ-ის სოფ. ახალშენის კოლმეურნეობაზე (ავტორი). - ბათუმი, აჭარა, 1976. - 30გვ.