ხასან კომახიძე

დაბადების ადგილი: სოფელი აჭყვისთავი, ქობულეთის რაიონი.

აღიარებულ სახალხო მთქმელად ითვლებოდა; იმ პერიოდის ლიტერატურული ცხოვრების შუაგულშიც იდგა; კლასიკური განათლება არ ჰქონდა მიღებული, მაგრამ ქართულ წერა-კითხვას სრულყოფილად ფლობდა. მისი უშუალო თაოსნობითა და ხარჯით, 1925 წელს გამოვიდა ბათუმში მოღვაწე ახალგაზრდა ჯგუფის ყოველთვიური ლიტერატურული ჟურნალი "პონტოსი"; მან თავისი მრწამსი ნათლად გადმოსცა წიგნში "ფუხარას სიტყვა" (1928), სადაც წერს: "იმ დროს სკოლები არსად იყო. არსებობდნენ მხოლოდ მეჩეთებთან მედრესეები, სადაც სწავლობდნენ არაბულ ენაზე ლოცვებს. წერა-კითხვის შესწავლის სურვილი მაინც დიდი დარჩა ჩემში და 43 წლისამ შევედი მუშათა ფაკულტეტზე ბათომში, სადაც გავეცანი ცხოვრების ავ-კარგს... დამაინტერესა მწერლობამ და სურვილი დამებადა შეძლებისდაგვარად ამეწერა აჭარის ცხოვრება"; ეს ნაწარმოები უპირველესად თავისი პოეტური სიტყვით, ხალხური მელექსეობით ფასდება. დიდი ინტერესით იკითხება მისი ლექსები: "ზამთარი", "მოწაფის სიმღერა", "ბეგების სიმღერა", "ოსმანის სიტყვა" და სხვა.

წყარო: საინფორმაციო ცნობარი აჭარაში მოღვაწე მწერალთა შესახებ / შემდგენელი ცისანა ანთაძე.-ბათუმი, 2019.-გვ.219