მარინე ტურავა

დაბადების ადგილი: ქ. სოხუმში.

დაამთავრა სოხუმის უნივერსიტეტის ფილოლოგიის ფაკულტეტი 1991 წელს.

პირველი ლექსები დაიბეჭდა 1986 წელს სოხუმის რაიონულ გაზეთში; 1990 წელს მისი ნაწარმოებები ჟურნალ "რიწასა" და ახალგაზრდულ კრებულ "ნაბიჯებში" გამოქვეყნდა; სამეცნიერო კვლევის სფეროა ქართულ–ევროპული ლიტერატურული ურთიერთობანი, ლიტმცოდნეობითი პრობლემები, თანამედროვე ლიტერატურული პროცესები. 2000 წლიდან მუშაობს სოხუმის სახელმწიფო უნივერსიტეტში. მისი სამეცნიერო წერილები, რეცენზიები პერიოდულად იბეჭდება სხვადასხვა ჟურნალ-გაზეთში ("ჩვენი მწერლობა", "ქართული მწერლობა", "ლიტერატურული პალიტრა", "კულტურათაშორისი კომუნიკაციები"...). არის სამეცნიერო-კრიტიკული სტატიების ორი კრებულისა და მონოგრაფიის "სიცოცხლე შვენობს შენითა (სიკვდილის პარადიგმა ქართულსა და უცხოურ მოდერნიზმში)" ავტორი. ფილოლოგიის დოქტორი.

საკანდიდატო დისერტაციის თემა - "პერსონიფიკაციის მსოფლმხედველობრივი საფუძველი ვაჟა-ფშაველას შემოქმედებაში", დაიცვა 1999 წელს.

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.-გვ.298

• სოხუმი თბილისი : ლექსები (ავტორი). - თბილისი, ჩვენი მწერლობა, 2019. - 100გვ.. - ISBN: 9789941256042
• გარღვეული ლაბირინთი : ლიტ. წერილები, ესეები, პორტრეტები (ავტორი). - თბილისი, ჩვენი მწერლობა, 2014. - 388გვ.. - ISBN: 9789941068263
• სიცოცხლე შვენობს შენითა : სიკვდილის პარადიგმა ქართულსა და უცხოურ მოდერნიზმში (ავტორი). - თბილისი, 2012. - 304გვ.