ნანა შაბათაშვილი-დავარი

დაბადების ადგილი: ქ. თბილისი.

დაამთავრა თბილისის სამედიცინო სასწავლებლის ფარმაცევტული ფაკულტეტი. სწავლა გააგრძელა თბილისის სულხან-საბა ორბელიანის სახელმწიფო პედაგოგიურ უნივერსიტეტში, რომლის დამთავრების შემდეგ თსუ-ს მეორადი განყოფილების იურიდიულ ფაკულტეტიც დაამთავრა სამოქალაქო სამართალმცოდნეობის სპეციალობით.

მუშაობდა თბილისის №1 აფთიაქში პროვიზორის თანაშემწედ. 1991 წელს გამოიცა მისი ლექსების პირველი კრებული "ქანაანიდან... ვიდრე მცხეთამდე". იმავე წელს საცხოვრებლად გაემგზავრა ისრაელში და თანამშრომლობდა იქ გამომავალ ქართულ ჟურნალგაზეთებთან: "დროშა", "ალია საქართველოდან", "თემის მოამბე", "ციონი" და სხვა. მოგვიანებით, ქალაქ აშდოდში, სხვა ცნობილ მოღვაწეებთან ერთად, მან ჩამოაყალიბა ისრაელის ქართულ-ებრაულ სატირისა და იუმორის, მუსიკალური კომედიის თეატრი "ქნარი". მინიჭებული აქვს ქართული კულტურის დესპანის წოდება.

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.-გვ.334

• ქანაანიდან... ვიდრე მცხეთამდე : ლექსები (ავტორი). - თბილისი, საქ. რესპ. წიგნის მოყვარულთა საზ-ბა, 1991. - 134გვ.