ნინა ციხისთავი

დაბადების ადგილი: ქ. თბილისი.

დაამთავრა თბილისის ქალთა გიმნაზია 1924 წელს; თბილისის სახელმწიფო სამედიცინო ინსტიტუტის სამკურნალო ფაკულტეტი 1935 წელს; 1969 წელს ექიმთა დახელოვნების თბილისის სახელმწიფო ინსტიტუტში (ახლანდელი საქართველოს სახელმწიფო სამედიცინო აკადემია) მან გაიარა უროლოგიის სპეციალიზაციის დახელოვნების ციკლი; 1974 წელს საატესტატო კომისიის მიერ მიენიჭა პირველი კატეგორიის ექიმის და ბავშვთა ქირურგის კვალიფიკაცია.

1927-1928წწ. მუშაობდა თბილისის ტრამვაის სისტემაში ოპერატორად; 1935 წლიდან თბილისის ვაკის რაიონის მოზრდილთა და ბავშვთა პოლიკლინიკაში უბნის გინეკოლოგად და, შეთავსებით, თერაპევტად 18 წლის მანძილზე მუშაობდა; ამასთან, თბილისის ტროპიკული ინსტიტუტის ექიმი-ლაბორანტი და ბიოქიმიური ლაბორატორიის სამედიცინო მუშაკი იყო; 1937 წლიდან, მას შემდეგ, რაც მისი მეუღლე საბჭოთა რეპრესიების მსხვერპლი გახდა და 20-წლიანი პატიმრობა მიუსაჯეს, ნ. ციხისთავი იძულებული გახდა, კიდევ დამატებით შემოსავალზე ეზრუნა: მან თბილისის სახელმწიფო სამედიცინო ინსტიტუტის სადისერტაციო-საკვალიფიკაციო საბჭოში სტენოგრაფისტად დაიწყო მუშაობა; 1953-1979წწ. მუშაობდა თბილისის N1 ბავშვთა კლინიკური საავადმყოფოს ქირურგიულ განყოფილებაში ექიმი-ორდინატორის თანამდებობაზე, სადაც მან 26 წელი ქირურგად იმუშავა; 45 წლის მანძილზე მუშაობდა საქართველოს ჯანდაცვის სისტემის სხვადასხვა დარგში. სამედიცინო სფეროში მისი მოღვაწეობა არაერთგზის აღინიშნა ჯილდოს მინიჭებით. ექიმი - გინეკოლოგი, ქირურგი.

• 1977 - შრომის ვეტერანის მედალი
  ბავშვთა ქირურგიაში შეტალი წვლილისთვის