დანიელ ხახიაშვილი

დაბადების ადგილი: ქ. ონი.

1970 წელს დაიბეჭდა მისი ლექსების პირველი კრებული – "მოლოდინი". 33 წლის მანძილზე ხელმძღვანელობდა ონის რადიომაუწყებლობას, აქტიურად იყო ჩართული მრავალ საზოგადოებრივ საქმეში. გამოცემულია მისი ლექსების 12 კრებული. მისი ლექსები, რომელთა ძირითადი თემატიკა საქართველოს, მშობლიური კუთხის, ქართველი ხალხის სიყვარულია, სისტემატურად იბეჭდებოდა ქართულ, შემდგომ კი – ისრაელის ქართულენოვან პრესაში. 80 წლის იუბილის აღსანიშნავად ისრაელის ქალაქ ბერ-შევას მერიამ მისი რჩეული ლექსების ერთტომეული გამოსცა. პოეტური კრებულების გარდა, მას ეკუთვნის ილუსტრირებული პატარა წიგნიც "ქართველ ებრაელთა ცხოვრება აშკელონში". პოეტის უკანასკნელი სურვილით, გარდაცვალებამდე რამდენიმე დღით ადრე, ქუთაისისადმი მიძღვნილი მისი ლექსი (ჟურნალისტ ალეკო შენგელიას წინასიტყვაობით) გამოაქვეყნა იმერეთის რეგიონულმა საზოგადოებრივ-პოლიტიკურმა გაზეთმა "პოსტსკრი პტუმმა"; ონში გახსნილია დანიელ ხახიაშვილის სახლ-მუზეუმი.

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.-გვ.395-396

• ღირსების ორდენი
  საქართველოს და ისრაელის ხალხების 26-საუკუნოვან მეგობრობაში განსაკუთრებული წვლილის შეტანისათვის

• რწმენის ტაძარი : ლექსების კრებული (ავტორი). - თბილისი, MPG, 2013. - 150გვ.. - ISBN: 9789941930119
• სიზმარში საქართველო ვნახე : ლექსები (ავტორი). - თბილისი, რაეო, 2002. - 140გვ.. - ISBN: 9992830115
• საქართველოდან ისრაელამდე : ლექსების კრებული (ავტორი). - თბილისი, 1997. - 386გვ.
• ვერ შეველევი : ლექსები (ავტორი). - თბილისი, მერანი, 1988. - 55გვ.
• მღერის ზამთარი : ლექსები (ავტორი). - თბილისი, საბჭოთა საქართველო, 1987. - 30გვ.
• ერთგულება : ლექსები (ავტორი). - თბილისი, საბჭოთა საქართველო, 1976. - 42გვ.
• მოლოდინი : ლექსები (ავტორი). - თბილისი, მერანი, 1971. - 57გვ.