ილია კემულარია

დაბადების ადგილი: ქ. ქუთაისი.

დაამთავრა საქართველოს ინდუსტრიული ინსტიტუტი, ინჟინერ-ელექტრო-მექანიკოსის კვალიფიკაციით 1932 წელს.

მუშაობა დაიწყო ტექნიკოსად რიონჰესის მშენებლობაზე, შემდეგ "საქჰიდროენერგომშენში"და თბილისის ელექტროქსელების სამმართველოში ინჟინრის თანამდებობებზე. 1933-1935წწ. - ქ. მოსკოვის ენერგეტიკის სამმართველოს ინჟინერი; 1935 წლიდან - აჭარისწყლის ჰესის მშენებლობა, სადაც ხელმძღვანელობდა ელექტროსადგურის ელექტრონაწილის საპროექტო ჯგუფს, შემდეგ ძალოვანი კვანძის ელექტროსამონტაჟო სამუშოების ხელმძღვანელის მოადგილე და ხელმძღვანელი; 1938 წლიდან - "საქენერგოში" ჯერ კაპიტალური მშენებლობის განყოფილების უფროსი ინჟინერი, ხოლო შემდეგ ტექნიკური განყოფილების უფროსი ინჟინერი; 1944 წლიდან - ტრესტ "კავკასელექტროქსელმშენის" საპროექტო-სახარჯთაღრიცხვო კანტორის უფროსი, შემდეგ ამავე ტრესტისა და "საქენერგოს" საპროექტო კანტორის გაერთიანების გამო - გაერთიანებული კანტორის უფროსი; 1960 წლიდან - "საქენერგოპროექტის" დირექტორი; 1963 წლიდან პენსიაზე გასვლამდე - "ენერგოქსელპროექტის" დირექტორი. მისი ხელმძღვანელობით და უშუალო მონაწილეობით დამუშავდა 35-500 კვ. ძაბვის მრავალი ელექტროგადამცემი ხაზის პროექტი. წლების განმავლობაში ეწეოდა პედაგოგიურ მოღვაწეობას საქართველოს პოლიტექნიკურ ინსტიტუტში. მისი მეცნიერული სტატიები სისტემატურად ქვეყნდებოდა რესპუბლიკურ და საკავშირო ჟურნალ-გაზეთებში.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.161

• საქართველოს დამსახურებული ინჟინერი
• შრომის წითელი დროშის ორდენი

• გოელროს ლენინური გეგმის 60 წელი და საქართველოს ენერგეტიკის განვითარება (თანაავტორი). - თბილისი, საბჭ. საქართველო, 1986. - 188გვ.