ვლადიმერ კილოსანიძე

დაბადების ადგილი: ქ. ხარბინი (ჩინეთი).

დაამთავრა საქართველოს პოლიტექნიკური ინსტიტუტის ავტომატიკისა და გამოთვლითი ტექნიკის ფაკულტეტი ინჟინერ-ელექტრიკოსის კვალიფიკაციით 1969 წელს.

მუშაობა დაიწყო ამიერკავკასიის ენერგოსისტემების გაერთიანებული სადისპეტჩერო სამმართველოს გამოთვლითი ტექნიკის სამსახურში ინჟინრად, შემდეგ უფროს ინჟინრად, უფროსის მოადგილედ. 1975 წელს დანიშნეს გამოთვლითი ტექნიკისა და სადისპეტჩერო მართვის ავტომატიზებული სისტემების სამსახურის უფროსად. დიდი ღვაწლი მიუძღვის ამიერკავკასიაში ენერგეტიკის დარგში გამოთვლითი ტექნიკისა და მათემატიკური უზრუნველყოფის დამუშავებასა და დანერგვაში. 1991-1994წწ. მუშაობდა ამიერკავკასიის ენერგოსისტემების გაერთიანებული სადისპეტჩერო სამმართველოს გამოთვლითი ტექნიკისა და სადისპეტჩერო მართვის ავტომატიზებული სისტემების სამსახურის უფროსის მოადგილედ; 1995-2000წწ. - თავდაცვის სამინისტროში თავდაცვის პოლიტიკისა და დაგეგმვის დეპარტამენტის თავდაცვის პოლიტიკის სამმართველოს უფროსის მოადგილედ.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.168