ვასო კობახიძე

დაბადების ადგილი: ქ. თბილისი.

სწავლობდა თბილისის II ტექნიკურ სასწავლებელში, სასულიერო სემინარიში, შემდეგ 1918-1919 წლებში გიორგი ჯაბადარის თეატრალურ სტუდიაში.

პირველად გამოვიდა სცენაზე 1912 წელს "სახალხო სახლში", ალ. წუწუნავასა და ნ. გოცირიძის ხელმძღვანელობით. 1922 წლიდან, როგორც დამდგმელი და რეჟისორი მუშაობდა სხვადასხვა კლუბში, საესტრადო სცენაზე, "საქფილექტში" - მსახიობად და რეჟისორად. მას ეკუთვნის პიესა "გოჩა" (4 მოქმედებად,  შედიოდა მოზარდ მაყურებელთა თეატრის რეპერტუარში), კომედია "პროკლამაცია" (კომედია 3 მოქმედებად), "სისხლი და ნავთი" (დრამა 4 მოქმედებად), "ტყის ძმები" (6 ეპიზოდად), "ჭკუის კოლოფი" (4 მოქმედებად); აგრეთვე საბავშვო და სხვა ერთმოქმედებიანი პიესები; თარგმნა პიესები: "ფლენგო" და "დიდი ერეტიკოსი" და სხვ. ვასილ კობახიძის თითქმის ყველა პიესა იდგმებოდა თბილისის დიდი კლუბების სცენებზე. თბილისის მოზარდ მაყურებელთა ქართული თეატრის მსახიობი.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.724

• ცირკის ქართველი ოსტატები (ავტორი). - თბილისი, ხელოვნება, 1956. - 100გვ.