გიორგი ლომთათიძე

1902 წლიდან მონაწილეობდა რევოლუციურ მოძრაობაში. 1907 წლიდან დაიწყო მუშაობა ქართულ ფოლკლორზე; შეკრიბა საქართველოს სხვადასხვა კუთხის ხალხური შემოქმედების და ზნე-ჩვეულებების ნიმუშები, მის მიერ შეკრებილი მასალები შეიძინა საქართველოს საისტორიო-ეთნოგრაფიულმა საზოგადოებამ, საქართველოს რევოლუციის მუზეუმმა, სამეცნიერო დაწესებულებათა მთავარმმართველობამ და საქართველოს მუზეუმის ფოლკლორის განყოფილებამ. 1917 წლიდან თანამშრომლობდა ქართულ ჟურნალ-გაზეთებთან. 1930 წელს თბილისის სახელმწიფო უნივერსიტეტში ისმენდა ვ. კოტეტიშვილის ლექციებს ქართული ფოლკლორის შესახებ. 1928 წლის 1 თებერვალს საქართველოს საისტორიო-ეთნოგრაფიულ საზოგადოებაში წაიკითხა მოხსენება "ცხრაობითი სათვალავის წარმომშობი საფუძველი", ამ სათვალავის გენეზისის საფუძვლად წამოაყენა ქალის ორსულობა, ე. ი. დედის მუცელი და ცხრა თვე. ივანე ჯავახიშვილის მითითებით გიორგი ლომთათიძემ შეადგინა ქართული ხალხური საზომების ლექსიკონი, რომელიც გადასცა საქართველოს საისტორიო-ეთნოგრაფიულ საზოგადოებას. გიორგი ლომთათიძის მიერ შეკრებილი მასალებიდან ლ. მეტრეველმა 400 ანდაზა შეიტანა 1925 წელს გამოცემულ "ქართული ანდაზების" კრებულში. ამის გარდა იგი წერდა ლექსებს, იგავებს, არაკებს, პიესებს და მოთხრობებეს. ქართული ხალხური სიტყვიერების მკვლევარი. 

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.835

• ბათუმის საბჭოთა შემოქმედებითი კავშირი (1922-)
• საქართველოს საისტორიო-ეთნოგრაფიული საზოგადოება, წევრი (1925-)
• ქართული საენათმეცნიერო საზოგადოება , წევრ-კორესპონდენტი (1928-)
• ქართული ფოლკლორის სექტორი, წევრი (1930-)

• ცხრაობითი თვლა და მისი წარმომშობი საფუძველი : მოხსენება წაკითხული საქ. საისტ.-საეთნ. საზ.-ის სხდომაზე 1929წ. 1/II (ავტორი). - ტფილისი, პოლიგრაფტრ. მე-2 სტ., 1928. - 18გვ.
• სამღვდელოება ქართულ ზეპირსიტყვიერებაში : წინასიტყვაობის ავტ.: დ. ო-ძე; რეპრესირებული გამოცემა (ავტორი). - ტფილისი, საქ. უღმერთოთა კავშირი; პოლიგრაფტრ. 1-ლი სტ., 1928. - 45გვ.
• ქართული გამოცანები : შეკრებილი გ. ლომთათიძის მიერ. (შემდგენელი). - ტფილისი, პოლიგრაფტრესტის მე-2-რე სტ., 1926. - 7გვ.
• სულის მაცხონებელნი : ზღაპარი (ავტორი). - ტფილისი, საქართველოს წითელ ჯვრის სტამბა, 1924. - 8გვ.
• სამი არაკი (ავტორი). - ტფილისი, მესამე ომის საინვალიდო სახლის გამ. N 1, 1924. - 14გვ.