ოტო ლომია

დაბადების ადგილი: ქ. სენაკი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი ინჟინერ-თბოენერგეტიკოსის სპეციალობით 1961 წელს.

1961-1963წწ. მუშაობდა ქ. რუსთავის მეტალურგიული ქარხნის თბოელექტროცენტრალში ცვლის უფროსად; 1963 წლიდან - მშენებარე თბილისის სახელმწიფო ელექტროსადგურში საქვაბე საამქროს ცვლის უფროსი; იმავე წლიდან - ენერგობლოკის მორიგე ინჟინერი; 1966-1972წწ. - საქვაბე-სატურბინო საამქროს უფროსის მოადგილე; 1972-1977წწ. - საამქროს უფროსი; 1977 წლიდან - მთავარი ინჟინრის მოადგილე; 1981 წლიდან - მთავარი ინჟინერი. აღზარდა მთელი პლეადა თბილსრესის ახლად შექმნილი კოლექტივის სხვადასხვა რანგის სპეციალისტები, დანერგა მრავალი გამოგონება და რაციონალიზატორული წინადადება, რითაც უდიდესი როლი ითამაშა ელექტროსადგურის მუშაობის საიმედოობისა და ეკონომიურობის ამაღლების და მთლიანად საქართველოს ელექტრომომარაგების საქმეში.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.197