ნათელა მანჯავიძე

დაამთავრა თბილისის რკინიგზის ტრანსპორტის ინჟინერთა ინსტიტუტი 1942 წელს.

1943-1947წწ. მუშაობდა თბილისის საპროექტო საძიებო ინსტიტუტ "ჰიდროპროექტში"; 1953 წლიდან - საქართველოს მეცნიერებათა აკადემიის ენერგეტიკის ინსტიტუტის ჯგუფის ხელმძღვანელი; 1971-1974წწ. - ენერგეტიკისა და ენერგეტიკულ ნაგებობათა სამეცნიერო-კვლევითი ინსტიტუტის ლაბორატორიის გამგე; 1975 წლიდან - საქართველოს მეცნიერებათა აკადემიის სამშენებლო მექანიკისა და სეისმომედეგობის ინსტიტუტის ლაბორატორიის გამგე. მისი მეცნიერული კვლევის საგანს წარმოადგენდა ჰესების სადაწნეო სისტემებში წყლის მასების რხევის, ნაგებობების ჰიდრავლიკური მდგრადობის, მაღალდაწნევიანი დერივაციული ნაგებობების საექსპლუატაციოდ გაშვების საკითხები. 1979-1982წწ. მისი ხელმძღვანელობით ენგურჰესის სადერივაციო გვირაბის ტრასის გასწვრივ დამონტაჟდა გამზომი აპარატურა, რომლის საშუალებითაც დადგინდა დერივაციულ გვირაბში ჰიდროტექნიკური დაწნევის რეალური დანაკარგები და შესაბამისად სიმტკიცის კოეფიციენტის მნიშვნელობა. მონაწილეობდა ენერგეტიკის დარგში ჩატარებულ საკავშირო და რესპუბლიკურ სამეცნიერო-ტექნიკურ თათბირებსა და კონფერენციებში. ტექნიკურ მეცნიერებათა კანდიდატი, ტექნიკურ მეცნიერებათა დოქტორი.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.210

• ენერგეტიკული მრეწველობის საქენერგოს სამეცნიერო-ტექნიკური საზოგადოება, პრეზიდიუმის წევრი

• საქართველოს დამსახურებული ინჟინერი