ლუიზა მაჭარაძე

დაბადების ადგილი: ქ. ადიგენი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი ელექტრული ქსელებისა და სისტემების სპეციალობით 1972 წელს, ინჟინერ-ელექტრიკოსის კვალიფიკაციით.

მუშაობა დაიწყო ამიერკავკასიის გაერთიანებული სადისპეტჩერო სამმართველოს რეჟიმების სამსახურში ინჟინრად, უფროს ინჟინრად, ჯგუფის უფროსად. 1972-1983წწ. შეთავსებით მუშაობდა საქართველოს პოლიტექნიკური ინსტიტუტის ენერგეტიკის ფაკულტეტის ელექტრული ქსელების კათედრაზე, ეწეოდა პედაგოგიურ საქმიანობას, იყო დიპლომის ხელმძღვანელი; 1983-1999წწ. "საქმთავარენერგოს" ენერგოგასაღებისა და ზედამხედველობის საწარმოში ელექტროენერგიის განაწილებისა და კონტროლის განყოფილების უფროსი ინჟინერი, ჯგუფის უფროსი; 1999-2006წწ. საქართველოს ელექტროენერგიის საბითუმო ბაზრის ელექტროენერგიის აღრიცხვისა და ანგარიშსწორების განყოფილების მთავარი სპეციალისტი, ჯგუფის უფროსი, დეპარტამენტის უფროსი; 2006 წლიდან - შპს "ელექტროენერგეტიკული სისტემის კომერციული ოპერატორი" (ესკო), საერთაშორისო ხელშკრულებების დეპარტამენტის უფროსი. გავლილი აქვს კვალიფიკაციის ასამაღლებელი კურსები სსრკ ენერგეტიკისა და ელექტრიფიკაციის სამინისტროს საკავშირო ინსტიტუტებში მოსკოვსა და ლენინგრადში. არის რამდენიმე რაციონალიზატორული წინადადების ავტორი. დაჯილდოებულია ქების სიგელებით.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.216