ნინო ავალიშვილი

დაბადების ადგილი: სოფელი კონდოლი, თელავის რაიონი.

დაიბადა 1921-1924 წლების ეროვნულ-განმათავისუფლებელი მოძრაობის აქტიური მონაწილის, 1924 წელს ბოლშევიკების მიერ დახვრეტილი თავადის დიმიტრი (ავალო) ავალიშვილის ოჯახში. 1914 წელს მიაბარეს თელავის წმინდა ნინოს სასწავლებელში. ნინო ავალიშვილის მოგონებები ილია ჭავჭავაძის, ოლღა გურამიშვილის და კოტე მარჯანიშვილის შესახებ გამოქვეყნებულია თელავის რაიონულ გაზეთში "ალაზნის განთიადი" (1990, №61, 103,105, 146, 147, 148, 149, 151), ხოლო მოგონებების ის ნაწილი, სადაც მოთხრობილია საქართველოს ეროვნული გმირის, ქაქუცა ჩოლოყაშვილის შესახებ, გამოქვეყნდა გაზეთში "სამშობლო" (1991, №15). ნინო ავალიშვილი XX საუკუნის პირველი მესამედის თელავის უტყუარი მემატიანე იყო. ექიმ სალომე ავალიშვილის და.

წყარო: ქალთა განათლების კერები თელავში / მარინე გოგბაიძე, გიორგი ჯავახიშვილი.- თბ., 2020.-გვ.60