ზურაბ ბექაია

დაბადების ადგილი: ქ. თბილისი.
დაამთავრა თბილისის ივანე ჯავახიშვილის სახელობის სახელმწიფო უნივერსიტეტის საერთაშორისო სამართლისა და საერთაშორისო ურთიერთობების ფაკულტეტი იურისტის კვალიფიკაციით 1996 წელს; ახალგაზრდა დიპლომატთა კურსები, თურქეთის საგარეო საქმეთა სამინისტროში 1996 წლის სექტემბერი-ნოემბერში.

1994-1995წწ. იყო საქართველოს საგარეო საქმეთა სამინისტროს აღმასრულებელი სამდივნოს სტაჟიორი; 1995-1996წწ. საქართველოს საგარეო საქმეთა სამინისტროს პოლიტიკური დეპარტამენტის სტაჟიორი; 1996-1997წწ. საქართველოს საგარეო საქმეთა სამინისტროს ევროპისა და ამერიკის დეპარტამენტის აღმოსავლეთ ევროპის სამმართველოს ატაშე; 1997-1998წწ. საქართველოს საგარეო საქმეთა სამინისტროს ევროპისა და ამერიკის დეპარტამენტის ცენტრალური და აღმოსავლეთ ევროპის სამმართველოს პირველი მდივანი; 1999-2002წწ. საქართველოს საგარეო საქმეთა სამინისტროს მეორე ევროპული დეპარტამენტის ცენტრალური და აღმოსავლეთ ევროპის სამმართველოს უფროსი; 2002-2005წწ. ეკონომიკური პოლიტიკისა და სამართლებრივი საკითხების ქართულ-ევროპული საკონსულტაციო ცენტრის (GEPLAC) ექსპერტი სამართლებრივ საკითხებში; 2005-2007წწ. საქართველოს გაერთიანებული სადისტრიბუციო ენერგოკომპანიის სამართლებრივი ექსპერტიზის სამსახურის უფროსი; 2007-2013წწ. სს "ენერგო-პრო ჯორჯიას" სამართლებრივი ექსპერტიზისა და მარეგულირებელ კომისიასთან ურთიერთობის სამსახურის უფროსი; 2013-2014წწ. საქართველოს საქმეთა დროებითი რწმუნებული კვიპროსის რესპუბლიკაში; 2014-2018წწ. საქართველოს საგანგებო და სრულუფლებიანი ელჩი სლოვენიის რესპუბლიკაში; 2018 წელს შპს "აგრიფარმინგის" დამფუძნებელი და დირექტორი.
სამშვიდობო მისიებში მონაწილეობა: დეკემბერი 1998 − მარტი 1999 − ეუთო-ს კოსოვოს სავერიფიკაციო მისია; 2000− 2001წწ. ეუთო-ს მისია კოსოვოში, დემოკრატიზაციის ოფიცერი, ისტოკი / კლინას საველე ოფისის უფროსი. მინიჭებული აქვს საგანგებო და სრულუფლებიანი დესპანის დიპლომატიური რანგი.

წყარო: დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.47