თამარ გრძელიძე

დაბადების ადგილი: ქ. თბილისი.
დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ფილოლოგიური ფაკულტეტი ძველი ქართული ლიტერატურის სპეციალობით 1984 წელს. იმავე განხრით დაიცვა საკანდიდატო დისერტაცია; ოქსფორდის უნივერსიტეტში ფილოსოფიის დოქტორის ხარისხით - სპეციალობით თეოლოგია 1998 წელს.

1984-1991წწ. იყო შოთა რუსთაველის სახელობის ლიტერატურის ინსტიტუტის მეცნიერ-თანამშრომელი; 1984-1991წწ. ქართული ენისა და ლიტერატურის მასწავლებელი თბილისის მეექვსე სკოლაში; 2001-2013წწ. აღმასრულებელი ეკლესიათა მსოფლიო საბჭოში (ჟენევა, შვეიცარია); 2014-2018წწ. საქართველოს საგანგებო და სრულუფლებიანი ელჩი წმიდა საყდართან (ვატიკანი) და მალტის სუვერენულ სამხედრო ორდენთან; 2019 წელს წმ. მიქაელის უნივერსიტეტის მიწვეული პროფესორი ტორონტოს უნივერსიტეტში (კანადა); 2020 წელს სირუს ვანსის მიწვეული პროფესორი მაუნთ ჰოლიოკ კოლეჯში, აშშ; 2020 წელს ასოცირებული პროფესორი ილიას სახელმწიფო უნივერსიტეტში; არის ბერნის უნივერსიტეტის საპატიო დოქტორი (შვეიცარია). მიღებული აქვს პაპ პაიუს მეცხრის ორდენი (ვატიკანი), მალტის სუვერენული სამხედრო ორდენის ჯილდო. მინიჭებული აქვს საგანგებო და სრულუფლებიანი დესპანის დიპლომატიური რანგი.

წყარო: დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.63