კორნელი კეკელიძე

დაბადების ადგილი: სოფელი იანეული, ჩოხატაურის მუნიციპალიტეტი.

დაამთავრა თბილისის სახელმწიფო სამედიცინო ინსტიტუტი 1946 წელს.

მუშაობდა კასპის რაიონში,  სხვადასხვა დროს იყო რაიონის სანეპიდსადგურის, რაიონული საავადმყოფოს, რაიონული პოლიკლინიკის მთავარი ექიმი, ხოლო 1958-დან 1971 წლამდე – რაიონისა და რაიონული საავადმყოფოს მთავარი ექიმი; ამ ოცდახუთი წლის განმავლობაში მან უდიდესი წვლილი შეიტანა კასპის რაიონის მოსახლეობის სამედიცინო დახმარების გაუმჯობესებასა და სამკურნალო-პრევენციულ დაწესებულებათა მატერიალურ-ტექნიკური ბაზის გამდიდრებაში; იყო კასპის რაიონული საბჭოს ყველა მოწვევის დეპუტატი, რაიკომისა და რაისაბჭოს აღმასკომის წევრი; 1972-1983წწ. მუშაობდა  თბილისის მოზრდილთა მე-13 პოლიკლინიკის მთავარ ექიმად; 1983 წელს  შრომით პენსიაზე გადავიდა და მუშაობა დაიწყო აკად. ნ. ყიფშიძის სახელობის ცენტრალური რესპუბლიკური კლინიკური საავადმყოფოს მთავარი ექიმის მოადგილედ კადრების დარგში, სადაც სიცოცხლის ბოლომდე დარჩა. მიღებული აქვს საქართველოს სსრ უმაღლესი საბჭოს პრეზიდიუმის საპატიო სიგელი; იყო რესპუბლიკური მნიშვნელობის პერსონალური პენსიონერი.

წყარო: ჟურნალი "ავერსი" №202 : aversi.ge

• 1967 - საქართველოს დამსახურებული ექიმი
• შრომის წითელი დროშის ორდენი
• მედალი "შრომითი წარჩინებისთვის"
• მედალი "შრომითი მამაცობისთვის"