კახა იმნაძე

დაბადების ადგილი: ქ. თბილისი.
დაამთავრა ივანე ჯავახიშვილის სახელობის თბილისის სახელმწიფო უნივერსიტეტის დასავლეთ ევროპული ენებისა და ლიტერატურის ფაკულტეტი ინგლისური ენის ფილოლოგის სპეციალობით 1992 წელს.
1989-1990წწ. იყო საქართველოს საგარეო საქმეთა სამინისტროს სტაჟიორი; 1990-1994წწ. საქართველოს საგარეო საქმეთა სამინისტროს ატაშე, მეორე მდივანი, პირველი მდივანი, სამხრეთ-აღმოსავლეთ აზიის სამმართველოს უფროსის მოადგილე, პირველი ევროპული სამმართველოს უფროსი; 1994-1997წწ. ნატოსთან საქართველოს მეკავშირე თანამშრომელი, ბელგიაში, ნიდერლანდების სამეფოსა და ლუქსემბურგში საქართველოს საელჩოს მეორე მდივანი, პირველი მდივანი, უმცროსი მრჩეველი; 1997-1998წწ. ნატოსთან საქართველოს მისიის ხელმძღვანელის მოადგილე, ბელგიაში, ნიდერლანდების სამეფოსა და ლუქსემბურგში საქართველოს საელჩოს მრჩეველი; 1998-2000წწ. საქართველოს უშიშროების საბჭოს მდივნის მოადგილე თავდაცვისა და საგარეო პოლიტიკის საკითხებში; 2000-2003წწ. საქართველოს პრეზიდენტის თანაშემწე, პრესმდივანი, სახელმწიფო საინფორმაციო სამსახურის უფროსი; 2003-2013წწ. პოლიტიკური რისკების შეფასების დამოუკიდებელი ექსპერტი; 2005-2007წწ. ნატოს სახალხო დიპლომატიის არაფორმალური ქსელების პროექტის თანადირექტორი, დიდი ბრიტანეთის კონფლიქტების კვლევების სამეცნიერო ცენტრის მკვლევარი; 2010-2013წწ. რუსეთის კვლევების საქართველოს ინსტიტუტის საბჭოს წევრი. 2013 წლიდან საგანგებო და სრულუფლებიანი ელჩი, გაერთიანებული ერების ორგანიზაციასთან საქართველოს მუდმივი წარმომადგენელი – აკრედიტებული ანტიგუა და ბარბუდაში, ბაჰამაში, გრენადაში, დომინიკის თანამეგობრობაში, სენტ ვინსენტსა და გრენადინებში, სენტ კიტსა და ნევისში, სენტ ლუსიაში, ჰაიტიში და ბარბადოსში. მინიჭებული აქვს საგანგებო და სრულუფლებიანი ელჩის დიპლომატიური რანგი.

წყარო: დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.83; საქართველოს საგარეო საქმეთა სამინისტრო : un.mfa.gov.ge