არჩილ კალანდია

დაბადების ადგილი: ქ. თბილისი.
დაამთავრა თბილისის აზიისა და აფრიკის ინსტიტუტის აღმოსავლეთის ქვეყნების ეკონომიკური ფაკულტეტი ჩინური ენისა და აღმოსავლეთის ქვეყნების ეკონომიკის სპეციალობით 2004 წელს; საქართველოს ტექნიკური უნივერსიტეტის ბიზნეს ინჟინერინგის ფაკულტეტი 2013 წელს.

2005-2006წწ. იყო საქართველოს საგარეო საქმეთა სამინისტროს აღმოსავლეთის საქმეთა დეპარტამენტის ატაშე; 2006-2007წწ. საქართველოს საგარეო საქმეთა სამინისტროს გლობალური ურთიერთობების დეპარტამენტის მესამე მდივანი; 2007-2014წწ. ჩინეთის სახალხო რესპუბლიკაში საქართველოს საელჩოს პირველი მდივანი; ასევე, კონსულის მოვალეობის შემსრულებელი (2010-2012) და ელჩის მოვალეობის შემსრულებელი (2013-2014); 2014-2017წწ. საქართველოს საგარეო საქმეთა სამინისტროს აზიის, აფრიკის, ავსტრალიისა და ოკეანეთის ქვეყნების დეპარტამენტის მრჩეველი; 2015-2017წწ. კავკასიის უნივერსიტეტის მიწვეული ლექტორი; 2015-2017წწ. ანდრია პირველწოდებულის სახელობის ქართული უნივერსიტეტის მიწვეული ლექტორი; 2017-2018წწ. ჩინეთის სახალხო რესპუბლიკაში საქართველოს საელჩოს უფროსი მრჩეველი. ავტორია მონოგრაფიისა "ჩინეთის ტრანსფორმაცია XXI საუკუნეში" (2015); გამოქვეყნებული აქვს 20-მდე სამეცნიერო ნაშრომი და სტატია ჩინეთის გახსნილობისა და რეფორმების პოლიტიკის შესახებ. დაჯილდოებულია ჩინეთში გამოცემულ ჟურნალ "Wine in China"-ს მიერ საპატიო სიგელით, ჩინეთის სახალხო რესპუბლიკაში ღვინის კულტურის განვითარებაში შეტანილი განსაკუთრებული წვლილისთვის 2013 წელს; ჩინეთის უცხოეთთან მეგობრობის ასოციაციის მიერ დაჯილდოვდა საპატიო სიგელით "International Friendly Ambassador"  2014 წელს; თბილისის თავისუფალი უნივერსიტეტის კონფუცის ინსტიტუტის მიერ მადლობის სიგელით, საქართველოსა და ჩინეთის სახალხო რესპუბლიკას შორის კულტურის სფეროში ურთიერთობების განვითარებაში შეტანილი განსაკუთრებული წვლილისთვის 2014 წელს; საპატიო სიგელით ჩინეთში ქართული პროდუქციის ექსპორტის ხელშეწყობის საქმეში განსაკუთრებული წვლილისთვის - JD.com (2023). 2018 წლიდან საქართველოს საგანგებო და სრულუფლებიანი ელჩი ჩინეთის სახალხო რესპუბლიკაში. მინიჭებული აქვს სოციალური მეცნიერებების დოქტორის აკადემიური ხარისხი, საგანგებო და სრულუფლებიანი დესპანის დიპლომატიური რანგი.

წყარო: დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.87; საქართველოს საელჩო ჩინეთის სახალხო რესპუბლიკაში: china.mfa.gov.ge

• საქართველოს სინოლოგთა ასოციაცია, წევრი

• ჩინეთის ისტორია : უძველესი დროიდან დღემდე (თანაავტორი). - თბილისი, ოქროს საწმისი, 2022. - 674გვ.. - ISBN: 9789941844157
• ჩინეთის ტრანსფორმაცია XXI საუკუნეში : მონოგრაფია (ავტორი). - თბილისი, მწიგნობარი, 2015. - 112გვ.. - ISBN: 9789941465062