ზინაიდა მოდებაძე

დაბადების ადგილი: ქ. დნეპროპეტროვსკი, უკრაინა.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ინჟინერ-ჰიდროტექნიკოსის სპეციალობით 1941 წელს.

მუშაობა დაიწყო საქართველოს მეცნიერებათა აკადემიის ენერგეტიკის ინსტიტუტში უმცროს მეცნიერ-თანამშრომლად. ტექნიკურ მეცნიერებათა კანდიდატი (1949), 1950 წლიდან - უფროსი მეცნიერ-თანამშრომელი. 1965 წელს აირჩიეს ჰიდრორესურსების პერსპექტიული გამოყენების სექტორის ხელმძღვანელად. მის მიერ შესრულებულია რიგი ჰიდრავლიკური და ჰიდროენერგეტიკული გამოკვლევები, რომლებიც გამოყენებული იყო ხრამის, ენგურის ჰიდროელექტროსადგურების საპროექტო გადაწყვეტებში. ხელმძღვანელობდა ჰიდრავლიკური დარტყმის რთულ გაანგარიშებას ზემო-ინგულეცის (უკრაინა) სატუმბო სისტემაში. ბოლო წლებში მუშაობდა საქართველოში ჰიდროსააკუმულაციო ელსადგურების მშენებლობის მიზანშეწონილობის საკითხებზე, მათი რაციონალური პარამეტრების დადგენის მიმართებით. გამოქვეყნებულია მისი 20 სამეცნიერო შრომა.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.244