შოთა ნემსაძე

დაბადების ადგილი: ქ. ხაშური.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი 1960 წელს.

მუშაობდა ცხინვალის ელექტროვიბრაციული მანქანების ქარხნის საკონსტრუქტორო ბიუროში ინჟინრად, საქარხნო ლაბორატორიის ხელმძღვანელად; 1963-1965წწ. - თბილისის ელექტროტექნიკის სამეცნიერო-კვლევითი ინსტიტუტის ელ. აპარატებისა და ელ. მაგნიტური ვიბრატორების განყოფილებაში; 1969-1970წწ. - დ.ი. მენდელეევის სახელობის მეტროლოგიის ინსტიტუტის თბილისის ფილიალის ლაბორატორია, უფროსი მეცნიერ-თანამშრომელი; 1974 წლიდან - საქართველოს პოლიტექნიკური ინსტიტუტის ზოგადი და თეორიული ელექტროტექნიკის კათედრის დოცენტი; ასრულებდა სამეცნიერო-კვლევით სამუშაოებს იმპულსურ ენერგეტიკაში; დაამუშავა ელექტრული წრედის პარამეტრების განსაზღვრისა და მათი სიხშირეზე დამოკიდებულების აღიარებული მეთოდი; მისი ხელმძღვანელობით შექმნილი მაგნიტურ-იმპულსური ტექნილოგიური და საგამოცდო დანადგარები, დაცული საავტორო მოწმობებითა და პატენტებით, დაინერგა ელექტროტექნიკური, სამთამადნო, ქვანახშირის მრეწველობის საწარმოებში და მეტროლოგიური პროფილის სამეცნიერო-კვლევით ინსტიტუტებში; 1984-1987წწ. მივლინებული იყო ზამბიის რესპუბლიკაში, მუშაობდა უნივერსიტეტის ელტექნიკისა და ელექტრონიკის დეპარტამენტის პროფესორად; 2003 წლიდან - საქართველოს ტექნიკური უნივერსიტეტის ზოგადი და თეორიული ელექტროტექნიკის კათედრის გამგე, პროფესორი; საქართველოს ტექნიკური უნივერსიტეტის სრული პროფესორი; ხელმძღვანელობდა ენერგეტიკისა და ტელეკომუნიკაციის ფაკულტეტის ელტექნიკისა და ელმოწყობილობათა დიაგნოსტიკის მიმართულებას.;120-მდე სამეცნიერო ნაშრომის, 30 გამოგონების ავტორი. ტექნიკურ მეცნიერებათა კანდიდატი (1969), ტექნიკურ მეცნიერებათა დოქტორი (2003), პროფესორი (2003).

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.266-267; საქართველოს ტექნიკური უნივერსიტეტი: gtu.ge

• საქართველოს ენერგეტიკის აკადემია, ნამდვილი წევრი (2005-)
• საქართველოს საინჟინრო აკადემია, წევრ-კორესპონდენტი (2007-)

• ელექტრომაგნეტიზმი : სახელმძღვანელო (ავტორი). - თბილისი, ტექნ. უნ-ტი, 2017. - 161გვ.. - ISBN: 9789941208751
• ძლიერი იმპულსური დენის ტექნიკა : სახელმძღვანელო (ავტორი). - თბილისი, ტექნ. უნ-ტი, 2016. - 188გვ. . - ISBN: 9789941206139
• ელექტრონული ჯაჭვის თეორია (ავტორი) // ნაწ. 1. - თბილისი, საქ. ტექნ. უნ-ტი, 2000. - 82გვ.
• ელექტრობირთვული თეორია : ლაბორატორიული სამუშაო (ავტორი) // ნაწ. 2 . - თბილისი, ტექნ. უნ-ტი, 1997. - 37გვ.