ომარ ონიაშვილი

დაბადების ადგილი: ქ. თელავი.

დაამთავრა საქართველოს პოლიტექნიკური ინსტიტუტის სამთო-გეოლოგიური ფაკულტეტი, სპეციალობით ნავთობის და გაზის საბადოების დამუშავება (ნავთობიანი და გაზიანი ჭაბურღილების ბურღვა) 1966 წელს და მიენიჭა სამთო ინჟინრის კვალიფიკაცია.

1966-1969წწ. - "საქნავთობის" კოლხეთის ბურღვის კანტორა, ბურღვის თანაშემწე, საწარმოო ტექნიკური განყოფილების უფროსი; 1969-1971წწ. - "საქნავთობი", ტექნიკური განყოფილების უფროსი ინჟინერი; 1971-1974წწ. - წითელწყაროს ბურღვის კანტორის შუაგორის ბურღვის უბნის უფროსი; 1974-1975წწ. - დედამიწის სიღრმული სითბოს გამოყენების სამმართველო, ჭაბურღილების აღდგენის და ათვისების საამქროს უფროსი; 1975-1977წწ. - "საქნავთობის" ტექნოლოგიური განყოფილების უფროსი ინჟინერი; 1977-1979წწ. - ნავთობის და გაზის ღია შადრევნის ლიკვიდაციის და თავიდან აცილების გასამხედროებული რაზმის უფროსი; 1979-1983წწ. - "საქნავთობის" კოშკ-სამონტაჟო კანტორის დირექტორი; 1983-1991წწ. - "საქნავთობის" აღმოსავლეთ საქართველოს ღრმა ბურღვის სამმართველოს უფროსი; 1991-1992წწ. - გენერალური დირექტორის მოადგილე ბურღვის დარგში; 1992-1995წწ. - "საქნავთობი", აღმოსავლეთ საქართველოს ღრმა საძიებო ბურღვის ექსპედიციის უფროსი; 2004-2005წწ. - შპს "საქნავთობი-სამგორის" გენერალური დირექტორის მოადგილე; 2005-2006წწ. - შპს "იორის ველის ნავთობის და გაზის" გენერალური დირექტორი; 2008-2009წწ. - შპს "აკსაი ბიემ-სი", კონსულტანტი.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.276-277

• საქართველოს ნავთობისა და გაზის მრეწველობის საპატიო მუშაკი