ილია რამიშვილი

დაამთავრა საქართველოს პოლიტექნიკური ინსტიტუტის ელექტროტექნიკური ფაკულტეტი 1929 წელს.

მუშაობა დაიწყო კასპის ცემენტის ქარხანაში ელექტრიკოსად. მისი ხელმძღვანელობით აშენდა საქართველოს პირველი 110 კვ ქვესადგური. 1932 წლიდან მუშაობდა "საქენერგოში" ინჟინერ-ელექტრიკოსის თანამდებობაზე; 1949 წლიდან ტრესტ "კავკასელექტროქსელმშენში" საწარმოტექნიკური განყოფილების უფროსად, მთავარი ინჟინრის მოადგილედ. იყო მრავალი ტექნიკური მიღწევების და რაციონალიზატორული წინადადებების ავტორი. აღსანიშნავია მისი წვლილი საქართველოში ეკოლოგიური პრობლემების გადაჭრის საქმეში. მის მიერ წამოყენებული იყო საკითხი მაღალი ძაბვის ელექტროგადამცემი ხაზების მშენებლობის დროს ყურადღება მიქცეოდა უნიკალური ტყეპარკების, კერძოდ, ბორჯომის ხეობის და რიწის ტბის მიდამოებში ტყის დაცვის საკითხს. მიღებული ჰქონდა სახელმწიფოს მრავალი ჯილდო. იყო რესპუბლიკის მნიშვნელობის პერსონალური პენსიონერი.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.287

• სსრკ საპატიო ენერგეტიკოსი
• საქართველოს დამსახურებული ინჟინერი