მიხეილ რუხვაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი ელსადგურების სპეციალობით 1966 წელს.

მუშაობა დაიწყო "საქენერგოგაწყობაში" ინჟინრად; 1974-1975წწ. საქართველოს ელექტროსისტემის ავტომატიზირებული მართვის სისტემების განყოფილება, ელექტრული ანგარიშების ჯგუფის უფროსი; 1975-1983წწ. საქართველოს პოლიტექნიკური ინსტიტუტის ელექტრული სადგურების, ქსელების და სისტემების კათედრა, უფროსი მასწავლებელი; 1983 წლიდან დოცენტი; 2003 წლიდან პროფესორი; 2006 წლიდან სრული პროფესორი; 1985-1989წწ. მივლინებული იყო ალჟირში, ქ. ანაბის უნივერსიტეტში, სადაც კითხულობდა ლექციების კურსს "გარდამავალი პროცესები ელექტრულ სისტემებში"; ალჟირში მისი ხელმძღვანელობით დაცულ იქნა სამი სამაგისტრო ნაშრომი; მუშაობდა ორთაჭალჰესის ლაბორატორიის უფროსად; კითხულობს ლექციებს საქართველოს ტექნიკურ უნივერსიტეტში ენერგეტიკის ფაკულტეტზე ელექტროენერგეტიკის წამყვან დისციპლინაში "არასტაციონარული პროცესები ელექტრულ სისტემებში". მუშაობს შპს "საქართველოს სახელმწიფო ელექტროსისტემის" არასტაციონარული პროცესების განყოფილების უფროსად. არის 40-მდე სასწავლო-სამეცნიერო ნაშრომის ავტორი. ტექნიკურ მეცნიერებათა კანდიდატი (1973). 

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.292

• მაღალი ძაბვის ინჟინერია : ლაბორატორიულ ამოცანათა კრებული (თანაავტორი). - თბილისი, ტექნ. უნ-ტი, 2016. - 48გვ.. - ISBN: 9789941206849
• გადამეტძაბვები და მათგან დაცვა ელექტრულ სისტემებში (თანაავტორი). - თბილისი, ტექნ. უნ-ტი, 2012. - 136გვ.. - ISBN: 9789941200885
• ელექტრული სისტემების მდგრადობა : სახელმძღვ. სტუდ. (ავტორი). - თბილისი, უნივერსალი, 2009. - 184გვ. . - ISBN: 9789941124716
• ელექტრული სადგურების და ქვესადგურების ელექტრული ნაწილი : სახელმძღვ. (თანაავტორი). - თბილისი, ტექნ. უნ-ტი, 2007. - 170გვ.. - ISBN: 9789994095605
• ელექტრულ სისტემებში მოკლე შერთვის დენების გაანგარიშების მეთოდები : ლექციების კონსპექტი (ავტორი). - თბილისი, ტექნ. უნ-ტი, 2005. - 76გვ. . - ISBN: 9994035878
• ელექტრომექანიკური გარდამავალი პროცესები ელექტრულ სისტემებში : სახელმძღვ. უმაღლ. ტექნ. სასწ. (ავტორი). - თბილისი, განათლება, 1991. - 247გვ.