პეტრე ჩხეიძე

დაბადების ადგილი: ქ. თბილისი.
დაამთავრა თბილისის სახელმწიფო უნივერსიტეტის იურიდიული ფაკულტეტი – კვალიფიკაცია იურისტი 1963 წელს; სსრკ-ის მეცნიერებათა აკადემიის, სახელმწიფოსა და სამართლის ინსტიტუტის ასპირანტურა 1972 წელს; იმავე ინსტიტუტში დაიცვა იურიდიულ მეცნიერებათა კანდიდატის ხარისხი 1975 წელს; საკავშირო საგარეო საქმეთა სამინისტროს დიპლომატიის აკადემია, კვალიფიკაცია – დიპლომატი 1978 წელს.
1963-1968წწ. იყო საქართველოს რესპუბლიკის პროკურორთან არსებული განსაკუთრებით მნიშვნელოვან საქმეთა გამომძიებელი; 1971-1975წწ. საქართველოს კპ თბილისის კომიტეტის ადმინისტრაციული და სავაჭრო საფინანსო ორგანოების ინსტრუქტორი, განყოფილების უფროსის მოადგილე, განყოფილების უფროსი; 1973-1978წწ. ქ. თბილისის საქალაქო საბჭოს დეპუტატი; 1975-1978წწ. სსრკ საგარეო საქმეთა სამინისტროს დიპლომატიური აკადემიის მსმენელი; 1978 წელს საკავშირო საგარეო საქმეთა სამინისტროს საერთაშორისო ორგანიზაციების განყოფილება, პირველი მდივანი; 1978-1984წწ. საბჭოთა კავშირის მუდმივი წარმომადგენლობა გაერთიანებული ერების ორგანიზაციაში პირველი მდივანი, მრჩეველი, რეფერენტურის ხელმძღვანელი; 1984-1986წწ. საქართველოს კპ ცენტრალური კომიტეტის საერთაშორისო ურთიერთობის განყოფილების გამგე; 1984-1991წწ. საბჭოთა კავშირის აზიისა და აფრიკის ქვეყნებთან მეგობრობის და მშვიდობის კომიტეტების წევრი; 1985-1990წწ. საქართველოს უზენაესი საბჭოს დეპუტატი და პრეზიდიუმის წევრი; 1986-1988წწ. თბილისის კპ საქალაქო კომიტეტის მეორე მდივანი; 1988-1989წწ. საქართველოს კპ ცენტრალური კომიტეტის საორგანიზაციო და საკადრო მუშაობის განყოფილების გამგე; 1991-1992წწ. საქართველოს მთავრობის პირველი ვიცე-პრემიერი და მუდმივი წარმომადგენელი რუსეთის ფედერაციის მთავრობასთან; 1992-1993წწ. საქართველოს საგანგებო და სრულუფლებიანი დესპანი რუსეთის ფედერაციაში; 1993-1994წწ. საქართველოს საგანგებო და სრულუფლებიანი ელჩი ამერიკის შეერთებულ შტატებში და საქართველოს მუდმივი წარმომადგენელი გაეროში; 1994-2002წწ. საქართველოს მუდმივი წარმომადგენელი გაეროში; 2002-2004წწ. საქართველოს საგანგებო და სრულუფლებიანი ელჩი თურქმენეთში და ავღანეთის ისლამურ რესპუბლიკაში. მინიჭებული აქვს საგანგებო და სრულუფლებიანი ელჩის დიპლომატიური რანგი.

წყარო: დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.178

• ინფორმატიზაციის საერთაშორისო აკადემია, წევრი
• საქართველოს იურიდიული აკადემია, წევრი
• საქართველოს პროფკავშირების კონფედერაცია, თავმჯდომარე (1989-1991)