პაატა გაფრინდაშვილი

დაბადების ადგილი: ქ. თბილისი.
დაამთავრა ივანე ჯავახიშვილის სახელობის თბილისის სახელმწიფო უნივერსიტეტის საერთაშორისო სამართლისა და საერთაშორისო ურთიერთობების ფაკულტეტი 1994 წელს; 2000 წელს გავლილი აქვს გერმანიაში ჯორჯ მარშალის სახელობის უსაფრთხოების საკითხების შემსწავლელი ევროპული ცენტრის უფროსი აღმასრულებლის კურსი; 2001 წელს გაერთიანებული სამეფოს თავდაცვის აკადემიის თავდაცვისა და უსაფრთხოების სწავლების სამეფო კოლეჯის კურსი ლონდონში.
1994-1996წწ. იყო საქართველოს საგარეო საქმეთა სამინისტროს საერთაშორისო ორგანიზაციების დეპარტამენტის მესამე მდივანი, შემდგომში სამხედრო-პოლიტიკური დეპარტამენტის პირველი მდივანი; 1996-1999წწ. საბერძნეთის რესპუბლიკაში საქართველოს საელჩოს პირველი მდივანი; 1999-2001წწ. საქართველოს თავდაცვის სამინისტროს თავდაცვის პოლიტიკისა და საერთაშორისო ურთიერთობების დეპარტამენტის დირექტორი; 2002-2003წწ. საქართველოს საქმეთა დროებითი რწმუნებული რუმინეთში; 2003-2004წწ. საქართველოს საგანგებო და სრულუფლებიანი დესპანი უკრაინაში; 2004 წელს საქართველოს თავდაცვის მინისტრის მოადგილე; 2005 წელს ეროვნული უშიშროების საბჭოს თავდაცვის განვითარების დეპარტამენტის დირექტორის მოადგილე; 2005 წელს საქართველოს საგარეო საქმეთა სამინისტროს საერთაშორისო ორგანიზაციების დეპარტამენტის დირექტორი; 2005-2009წწ. საქართველოს საგანგებო და სრულუფლებიანი დესპანი ავსტრიის რესპუბლიკაში, საქართველოს მუდმივი წარმომადგენლის მოადგილე ეუთოსა და ქ. ვენაში განლაგებულ სხვა საერთაშორისო ორგანიზაციებში; 2013-2016წწ. მრავალპროფილური ანალიტიკური ცენტრის, საქართველოს რეფორმების ასოციაციის (GRASS) დირექტორის მოადგილე და მედია პროექტ ფაქტ-მეტრის მთავარი რედაქტორი; 2016 წელს მრავალპროფილური ანალიტიკური ცენტრის, საქართველოს რეფორმების ასოციაციის (GRASS) დირექტორი. 2009-2013წწ. საქართველოს საგანგებო და სრულუფლებიანი ელჩი ავსტრიის რესპუბლიკაში, საქართველოს მუდმივი წარმომადგენელი ეუთოსა და ქ. ვენაში განლაგებულ სხვა საერთაშორისო ორგანიზაციებში. მინიჭებული აქვს საგანგებო და სრულუფლებიანი ელჩის დიპლომატიური რანგი.

წყარო: დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ. 52

• 2013 - ღირსების ორდენი