რევაზ სულაბერიძე

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტი სპეციალობით "მცირე და საშუალო ჰიდროელსადგურების მშენებლობა" ინჟინერ-ჰიდროტექნიკოსის კვალიფიკაციით 1954 წელს.

მუშაობა დაიწყო "საქჰიდროსოფელექტროში" ინჟინერ-ჰიდროტექნიკოსად. 1954-1959წწ. იყო საქართველოში განხორციელებული რიგი პროექტების თანაავტორი. 1959 წელს ჩაირიცხა თბილისის ჰიდროტექნიკურ ნაგებობათა და ენერგეტიკის სამეცნიერო-კვლევითი ინსტიტუტის ასპირანტურაში. 1962-1967წწ. მუშაობდა ამავე ინსტიტუტის უმცროს მეცნიერ-მუშაკად, სექტორის უფროსად; 1971 წელს - ჟინვალ ჰესში საწარმოო-ტექნიკური განყოფილების უფროსად. ტექნიკურ მეცნიერებათა კანდიდატი (1971), დოცენტი (1972). 1972-1977წწ. - საქართველოს სასოფლო-სამეურნეო ინსტიტუტის დოცენტი; 1977-1979წწ. მივლინებული იყო სირიის არაბთა რესპუბლიკაში უფროს ინჟინერ-ჰიდროტექნიკოსად; 1979-1983წწ. - საქართველოს სასოფლო-სამეურნეო ინსტიტუტის დოცენტი; 1983-1988წწ. - "თბილჰიდროპორექტში" მცირე ჰესების განყოფილების უფროსი; 1988 წლიდან - საქართველოს სსრ ენერგეტიკისა და ელექტრიფიკაციის საწარმოო გაერთიანება "საქენერგოში" მთავარი ინჟინრის მოადგილე, ჰიდროტექნიკური სამსახურის უფროსი. ჰიდრომშენებლობის, საირიგაციო მშენებლობის და მეთოდურ-პედაგოგიური ხასიათის 40-მდე სამეცნიერო ნაშრომის ავტორი.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.309