თამაზ მჟავანაძე

დაბადების ადგილი: სოფელი მუხაესტატი, ქობულეთის რაიონი.

დაამთავრა ბათუმის საზღვაოსნო სასწავლებელის გემთწამყვან-სანავიგაციო ფაკულტეტი 1965 წელს; ნოვოროსიისკის უმაღლესი საზღვაო-საინჟინრო სასწავლებლის (НВИМУ) გემთწამყვანობის ფაკულტეტი.

სკოლის წარჩინებით დამთავრების შემდეგ შრომითი საქმიანობა თავდაპირველად სოფელ გვარას კოლმეურნეობის ახალგაზრდული ბრიგადის ბრიგადირად დაიწყო; 1960 წელს, ორწლიანი შრომითი გამოცდილების მქონემ ბათუმის საზღვაოსნო სასწავლებელში ჩააბარა მისაღები გამოცდები და გემთწამყვან-სანავიგაციო ფაკულტეტის კურსანტი გახდა; 1965 წელს გემთწამყვანის სპეციალობით  სასწავლებლის წარჩინებით დამთავრების შემდეგ 1967 წლამდე სამხედრო სამსახური საზღვაო ავიაციაში გაიარა; 1967 წლიდან კი რიგით მატროსად ცურვა შავი ზღვის სახელმწიფო საზღვაო სანაოსნოს ტანკერ «Белгород»-ზე დაიწყო; 1968 წლიდან საქმიანობას საქართველოს საზღვაო სანაოსნოს გემებზე განაგრძობს, სანაოსნოს ტანკერებზე: «Клайпеда», «Актау», «Дрогобыч», «Адигени» და «Кутаиси»-ზე გაიარა შორეული ნაოსნობის შტურმანობის ყველა ეტაპი მეოთხე თანაშემწეობიდან კაპიტნის უფროს თანაშემწეობამდე, პარალელურად კი ნოვოროსიისკის უმაღლესი საზღვაო-საინჟინრო სასწავლებელში სწავლობდა; 1977 წლიდან, იმჟამინდელი წესისამებრ დამტკიცებული შორეული ნაოსნობის კაპიტანი თამაზ მჟავანაძე საქართველოს საზღვაო სანაოსნოს ტანკერების: «Дрогобыч»-ის (1977), «Адигени»-ის (1980-1982), «Тбилиси»-ის (1982-1983), «Василий Киквидзе»-ის(1982-1984), «Цезарь Куников»-ის (1984-1985), «Давид Гурамишвили»-ის (1986-1987) და სხვათა ეკიპაჟებს მეთაურობდა; მისი უკანასკნელი გემი კი ტანკერი - «Нато Вачнадзе» იყო, რომლის ეკიპაჟსაც ყველაზე დიდი ხნის მანძილზე მეთაურობდა - 1988-2000 წლებში. შორეული ნაოსნობის კაპიტანი.
წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com