გიორგი ტუხაშვილი

დაბადების ადგილი: სიღნაღის რაიონი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი გეოფიზიკური დაზვერვის სპეციალობით 1949 წელს და მიენიჭა გეოლოგ-გეოფიზიკოსის კვალიფიკაცია.

1941 წელს მეორე მსოფლიო ომში მოხალისედ წავიდა. 1943 წელს დემობილიზებული იქნა, როგორც ომში სამჯერ დაჭრილი მეორე ჯგუფის ინვალიდი. 1949 წელს მუშაობა დაიწყო "საქნავთობის" სისტემაში რიგით და ხელმძღვანელ თანამდებობებზე. წლების განმავლობაში იყო ტრესტ "საქნავთობგეოფიზიკის" მთავარი ინჟინერი და მმართველის მოადგილე. იყო პერსონალური პენსიონერი. დაჯილდოებული იყო როგორც საბრძოლო, ასევე შრომითი ორდენებითა და მედლებით. გამოქვეყნებული ჰქონდა სამეცნიერო ნაშრომები და სტატიები.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.319

• საქართველოს საპატიო მენავთობე
• საქართველოს დამსახურებული ინჟინერი