ნანული ცაგარეიშვილი-შევარდნაძე

დაბადების ადგილი: ქ. თბილისი.

1960-70-იან წლებში ნანული ცაგარეიშვილი-შევარდნაძე იყო ჟურნალ "საქართველოს ქალის" თანამშრომელი. მან დააარსა და ხელმძღვანელობდა საერთაშორისო მოძრაობა "საქართველოს ქალები მშვიდობისა და სიცოცხლისთვის", ასევე რედაქტორობდა ჟურნალს "მშვიდობა ყველას". ნანული ცაგარეიშვილი-შევარდნაძე ძირითადად საქველმოქმედო ღონისძიებებით იყო დაკავებული. 1990-იანი წლების ბოლოს ის ხელმძღვანელობდა კამპანიას უცხოელთა მიერ ქართველ ბავშვთა შვილად აყვანის წინააღმდეგ, ვინაიდან, მისი აზრით, ეს საფრთხეს უქმნიდა ისედაც მძიმე დემოგრაფიულ მდგომარეობას. ეწეოდა ჟურნალისტურ და მთარგმნელობით საქმიანობას; რუსულიდან ქართულ ენაზე ნათარგმნი აქვს ი. ბუნინის, ლ. ტოლსტოის და სხვათა მხატვრული ნაწარმოებები.

წყარო: საქართველოს პირველი ქალბატონები / ჯაჯანიძე, ე. (ელენე). - თბ., 2013 : სამოქალაქო ინტეგრაციისა და ეროვნებათშორისი ურთიერთობების ცენტრი

• მიმოზებს მოგიტან, დედა... : კრებული (ავტორი). - თბილისი, 2005. - 308გვ.