მურმან ქოიავა

დაბადების ადგილი: აბაშის რაიონი.

დაამთავრა საქართველოს პოლიტექნიკური ინსტიტუტის სამთო-გეოლოგიური ფაკულტეტი 1957 წელს.

მუშაობა დაიწყო ტრესტ "საქნავთობში". რიგითი ინჟინრიდან სამმართველოს უფროსამდე გაიარა სხვადასხვა თანამდებობები. 1960-იან წლებში ხელმძღვანელობდა "ნორიოს ბურღვის კანტორას" და ჰიდროდინამიკური კვლევების პირველ ლაბორატორიას. 1970-1974წწ. ხელმძღვანელობდა დასავლეთ საქართველოს ღრმა ბურღვის სამმართველოს, შემდეგ გაერთიანებულ ნავთობსარეწს; 1974 წლიდან სათავეში ჩაუდგა ლილოს ნავთობისა და გაზის მოპოვების სამმართველოს და გარდაცვალებამდე სამმართველოს უფროსი იყო. წლების განმავლობაში კითხულობდა ლექციებს საქართველოს პოლიტექნიკურ ინსტიტუტში; მუშაობდა ნავთობისა და გაზის საბადოების დაზვერვისა და ბურღვის კათედრაზე დოცენტის თანამდებობაზე; საფუძველი ჩაუყარა ნავთობის მოპოვებისა და საბადოების დამუშავების სპეციალობებს. არაერთხელ იყო არჩეული თბილისის საქარხნო რაიონის დეპუტატად.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.338

• მედალი "შრომითი მამაცობისთვის"
• ხალხთა მეგობრობის ორდენი