თამარ ღვამიჩავა

დაბადების ადგილი: ქ. გორი.
დაამთავრა ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი 2003 წელს. მიღებული აქვს სამართლის დოქტორის აკადემიური ხარისხი. 2008-2009წწ. მონაწილეობდა სახელმწიფო უწყებებში მომუშავე საჯარო მოხელეების გადამზადების პროგრამის ფარგლებში გამართულ ტრენერთა საკვალიფიკაციო სემინარში, ზოგად ადმინისტრაციულ სამართალში; 2010-2011წწ. სწავლობდა PHD დოქტორანტურის საფეხურზე Erasmus Mundus-ის გაცვლითი პროგრამით ბულგარეთში, რუსეს უნივერსიტეტში; 2017 წელს დაიცვა სადოქტორო დისერტაცია (სამართლის დოქტორი); 2011 წელს გაიარა სწავლების მეთოდიკის მასტერკლასი - ამერიკული სამართლის გაცნობა სტუდენტებისთვის; 2013-2015წწ. გაიარა თანამედროვე სწავლების მეთოდების, კაზუსების ამოხსნის მეთოდების, ადმინისტრაციულ სამართალში კაზუსის განხილვის გერმანული მეთოდის კურსები. გავლილი აქვს კვალიფიკაციის ასამაღლებელი არაერთი კურსი და ტრენინგი. 

2002 წლიდან მუშაობს თბილისის სახელმწიფო უნივერსიტეტში; იყო იურიდიული ფაკულტეტის სამართლის საფუძვლების კათედრის ლაბორანტი, 2003 წლიდან - ადმინისტრაციული სამართლისა და პროცესის კათედრის ლაბორანტი; 2004-2005წწ. მუშაობდა თბილისის იურიდიულ ინსტიტუტში; 2005 წლიდან არის თბილისის სახელმწიფო უნივერსიტეტის იურიდიული ფაკულტეტის ადმინისტრაციული სამართლის მიმართულების ასისტენტ-პროფესორი; 2023 წლიდან იუსტიციის უმაღლესი სკოლის მოწვეული ტრენერი ადმინისტრაციული სამართლის მიმართულებით; 2024 წლიდან მოწვეული ტრენერი იუსტიციის სასწავლო ცენტრში. 2006 წლიდან საქმიანობს სამეცნიერო სფეროში, გამოქვეყნებული აქვს არაერთი სამეცნიერო ნაშრომი; 2020-2024წწ. იუსტიციის უმაღლესი საბჭოს არამოსამართლე წევრი; 2021-2024წწ. – იუსტიციის უმაღლესი სკოლის დამოუკიდებელი საბჭოს წევრი; 2024 წლიდან – საქართველოს განათლების, მეცნიერებისა და ახალგაზრდობის მინისტრის მოადგილე.

წყარო: საქართველოს განათლების, მეცნიერებისა და ახალგაზრდობის სამინისტრო: mes.gov.ge