ტრისტან ბენაშვილი

დაბადების ადგილი: სოფელი ქვემო ბოდბე, სიღნაღის რაიონი.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ბიზნეს სამართალმცოდნეობის ფაკულტეტი 1998 წელს; საქართველოს ღია ჰუმანიტარული უნივერსიტეტის იურიდიული ფაკულტეტი, მინიჭებული აქვს სამართლის მაგისტრის ხარისხი. 1999 წელს ჩააბარა მოსამართლის თანაშემწის საკვალიფიკაციო გამოცდა. 2007 წელს საქართველოს პარლამენტში გაიარა ტრენინგები: პარლამენტის საზედმხედველო ფუნქციები; პრაქტიკული სამართალი; 2010 წელს საქართველოს კონტროლის პალატის კურსები: ეფექტიანობის აუდიტი; საერთაშორისო ფინანსური აუდიტი; 2014 წელს ინგლისური ენის შემსწავლელი კურსი "საერთაშორისო სახლში"; 2014 წელს მარეგულირებელი აუდიტის კურსი USAID ეგიდით (აშშ, ლიუვილი, კენტაკი, ლანსინგი, მიჩიგანი); 2015 წელს ენერგეტიკის საერთაშორისო ასოციაციის კურსი ენერგეტიკის რეგულირების შესახებ (ERRA, უნგრეთი, ბულგარეთი).
2017 წელს დაესწრო შეხვედრებს თემაზე: "საქართველოს ენერგეტიკისა და წყალმომარაგების მარეგულირებელი ეროვნული კომისიის" შესაძლებლობების გაძლიერება (ლიონი, საფრანგეთი და მილანი, იტალია).

1999-2000წწ. იყო თბილისის საოლქო სასამართლოს სისხლის სამართლის საქმეთა კოლეგიის მოსამართლის თანაშემწე; 2000-2005წწ. ჯერ თბილისის საოლქო სასამართლოს ექსპედიციის განყოფილების გამგე და შემდეგ ამავე სასამართლოს საერთო განყოფილების უფროსი; 2006-2008წწ. საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის მთავარი სპეციალისტი (კომიტეტის იურისტი); 2008-2011წწ. საქართველოს კონტროლის პალატის თავმჯდომარის კაბინეტის უფროსი და შემდეგ კონტროლის პალატის მთავარი აუდიტორი. 2011-2023წწ. მუშაობდა ენერგეტიკისა და წყალმომარაგების მარეგულირებელი ეროვნული კომისიაში სხვადასხვა პოზიციებზე: კომისიის მრჩეველი, კომისიის მთავარი სპეციალისტი (სამართლებრივი მიმართულებით), დირექტორის მოადგილე (სამართლებრივი მიმართულებით) და ხარისხის მართვის კოორდინატორი. 2023 წლის მაისიდან არის იუსტიციის უმაღლესი საბჭოს არამოსამართლე წევრი.

წყარო: საქართველოს იუსტიციის უმაღლესი საბჭო: hcoj.gov.ge

• საქართველოს იუსტიციის უმაღლესი საბჭო, წევრი (2023-)