ზურაბ ნათიშვილი

დაიბადა თბილისის გუბერნიის აზნაურთა ოჯახში.

სწავლობდა თბილისის კადეტთა კორპუსში (არ დაუმთავრებია), შემდეგ ელიზავეტგრადის იუნკერთა საკავალერიო სასწავლებელსა და სანქტ-პეტერბურგის საოფიცრო-საკავალერიო სასწავლებელში.

1886 წლიდან იყო სამხედრო სამსახურში. მსახურობდა ტვერის მე-16 დრაგუნთა პოლკში, შემდეგ ნიჟეგოროდის მე-17 დრაგუნთა პოლკში. 1912 წელს მიიღო პოდპოლკოვნიკის, 1915 წელს პოლკოვნიკის წოდება. მსოფლიო ომის ფრონტებზე თავის გამოჩენისთვის მიღებული ჰქონდა "გიორგის იარაღი" (1918). 1921 წლიდან ემიგრაციაში იყო საფრანგეთში, სადაც არჩეული იყო ნეჟიგოროდის დრაგუნთა პოლკის ოფიცერთა კავშირის თავმჯდომარედ. გარდაიცვალა პარიზში. რუსეთის იმპერიის არმიის პოლკოვნიკი (1915), I მსოფლიო ომის (1914-1918) მონაწილე.

წყარო: რუსეთის არმია პირველ მსოფლიო ომში: grwar.ru; საქართველოს პროსპოგრაფია: prosopography.iliauni.edu.ge; მემატიანე: mematiane.ge; საზოგადოებრივი არქივი: archive.ge

• ქართველთა შორის წერა-კითხვის გამავრცელებელი საზოგადოება, წევრი

• 1916 - წმინდა ვლადიმირის III ხარისხის ორდენი (მახვილებით)
• 1916 - წმინდა სტანისლავის II ხარისხის ორდენი (მახვილით)
• 1915 - წმინდა ვლადიმირის IV ხარისხის ორდენი (მახვილებითა და ბაფთით)
• 1915 - წმინდა ანას II ხარისხის ორდენი (მახვილით)
• 1914 - წმინდა სტანისლავის II ხარისხის ორდენი
• 1910 - წმინდა ანას III ხარისხის ორდენი
• 1901 - წმინდა სტანისლავის III ხარისხის ორდენი