ბორის იმნაძე

დაბადების ადგილი: ქ. თბილისი.

სწავლობდა საქართველოს პოლიტექნიკური ინსტიტუტის  სამშენებლო ფაკულტეტზე და მოსკოვისს საერთაშორისო ურთიერთობათა ინსტიტუტში; დაამთავრა მოსკოვის სახელმწიფო პედაგოგიური ინსტიტუტის ფილოლოგიის ფაკულტეტი; საქართელოს განათლების სამინისტროს ი. გოგებაშვილის სახელობის პედაგოგიკის სამეცნიერო-კვლევითი ინსტიტუტის ასპირანტურა 1960 წელს.

ასწავლიდა რუსულ ენასა და ლიტერატურას თბილისის 54-ე საშუალო სკოლაში; 1969-1970წწ. გერმანიის ქალაქ ნიობრანდერბურგში ხელმძღვანელობდა რუსული ენის მასწავლებელთა კვალიფიკაციის ასამაღლებეელ კურსებს; 1970-1996 წწ. იყო საქართველოს პოლიტექნიკური ინსტიტუტის რუსული ენის კათედრის გამგე; 1996-2017წწ. საქართველოს ტექნიკურ უნივერსიტეტში სათავეში ედგა ტექნიკური დარგის ჟურნალისტიკისა და მთარგმნელ-რეფერენტის სპეციალობათა რუსული სექტორის მუშაობას; აქტიურად თანამშრომლობდა უცხოეთის სასწავლო ცენტრებთან და უმაღლეს სკოლებთან. იყო საქართელოს განათლების სამინისტროს ორი სამეცნიერო ჟურნალის სარედაქციო კოლეგიის წევრი, საქართელოს განათლების მეცნიერებათა აკადემიის სამეცნიერო ჟურნალის - "საქართელოს განათლების  მეცნიერებათა აკადემიის მოამბის" რედაქტორის მოადგილე და საქართველოს ტექნიკური უნივერსიტეტის სამეცნიერო ჟურნალ "განათლების" მთავარი რედაქტორი; მის კალამს ეკუთვნის 150-დე სამეცნიერო ნაშრომი რუსული ენის გრამატიკის სწავლების მეთოდიკის, ჟურნალისტიკის აქტუალურ პრობლემებზე, რომელთაგან 16 სახელმძღვანელოა, ხოლო 3 მონოგრაფია; მის მიერ დამუშავებული და დამკვიდრებულია რუსული ენის სწავლების ინოვაციური მეთოდი - მაკორექტირებელი სწავლების მეთოდი. უკანასკნელ  წლებში  ნაყოფიერად იკვლევდა რუსული ჟურნალისტიკის თეორიისა და პრაქტიკის, ისტორიის საკითხებს. მიღებუული ჰქონდა მრავალი ჯილდო საგანმანათლებლო მეცნიერების განვითარებისა და ახალგაზრდობის აღზრდის საქმისთვის, საქართველოს განათლების მეცნიერებათა აკადემიის (2008), ასევე საბჭოთა კავშირის განათლების სახელმწიფო კომიტეტის სიგელი და სხვ. პედაკოგიკის მეცნიერებათა კანდიდატი (1961), აკადემიური დოქტორი, პროფესორი.

წყარო: ცნობილი და უცნობი პოლიტექნიკოსები/ დავით გურგენიძე.- თბ.,2020.- გვ. 190-191

• საქართველოს განათლების მეცნიერებათა აკადემია, აკადემიკოსი

• ღირსების ორდენი

• დიალოგური მეტყველება ქართულ და რუსულ ენებში და მათი თარგმნის სტილისტური ასპექტები (რედაქტორი). - ახალციხე, ახალციხის უნ-ტი, 2013. - 124გვ.. - ISBN: 9789941927898
• Методические указания и контрольные задания по русскому языку для студентов заочников второго курса Грузинского технического университета (ავტორი). - თბილისი, უნივერსალი, 1997. - 36 с