ზაირა ცაგარეიშვილი

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი, სპეციალობით "ელქსელები და სისტემები" 1957 წელს.

მუშაობა დაიწყო "ენერგოქსელპროექტში" ჯგუფის ხელმძღვანელად. 1977-2004წწ. მუშაობდა "საქმთავარენერგოში" კაპიტალური მშენებლობის განყოფილებაში საპროექტო სამუშაოების ჯგუფის უფროსად. საპროექტო ორგანიზაციაში მუშაობის დროს მონაწილეობდა 35, 220, 220 და 500კვ. ე.გ.ხ. დაპროექტებაში, ასრულებდა 35-200კვ. არატიპიური ანძების გათვლებს მთაგორიანი რელიეფისათვის. 1969 წელს დააპროექტა არატიპიური მაღალი ძაბვის 35კვ. ე.გ.ხ. "თორღვას აბანო-ომალო", რომელიც გაყვანილი იყო ხეობაში მთებს შორის დაჭიმული გვარლის საშუალებით. საქენერგოს კაპიტალური მშენებლობის განყოფილებაში მუშაობის დროს კურირებდა საპროექტო სამუშოების შესრულებას, მაღალი ძაბვის 35-110-220კვ. ელ. გადამცემი ხაზების და 35-110-500კვ. ქვესადგურების, ჰიდროელექტროსადგურების, დაპროექტების ფინანსირების უზრუნველყოფას მშენებარე ორგანიზაციებში. მიღებული აქვს მრავალი ჯილდო.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.398

• საქართველოს ენერგეტიკის დამსახურებული მუშაკი