
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

დავით არზანოვი

Date of birth:	18??
Date of death:	18??
Category:	Public Man

Biography

დაამთავრა მოსკოვის ლაზარევის აღმოსავლურ ენათა ინსტიტუტი.

1829 წელს ძმასთან, იაკობ არზანოვთან, ერთად მან ყიზლარში დააარსა კეთილშობილთა პანსიონი, ხოლო 1840-იან წლებში მათ უკვე თბილისში ჰქონდათ გახსნილი კეთილშობილთა პანსიონი, მანამდე კი, 1837 წელს, არზანოვებმა თბილისში პირველი კერძო სტამბა დააარსეს, ხოლო 1838 წელს ძმებმა არზანოვებმა თხოვნით მიმართეს ხელისუფლებას ქართულ და სომხურ ენებზე არაოფიციალური (კერძო) ჟურნალის გამოცემის ნებართვის შესახებ (თვეში ორი ნომრის პერიოდულობით). ქართული გამოცემის სახელწოდება უნდა ყოფილიყო "აღმოსავლეთის ფუტკარი" პეტერბურგში გამომავალი ჟურნალის, "ჩრდილოეთის ფუტკარი" ("Северная пчёла"), ანალოგიით. პროგრამა გამოცემისა საკმაოდ ფართო იყო და მას უნდა ჰქონოდა როგორც საინფორმაციო, ისე სალიტერატურო ნაწილები. საკუთარი სტამბა, არზანოვების განცხადებით, ჟურნალის შეუფერხებელი გამოცემის გარანტია იქნებოდა, თუმცა ხელისუფლებამა არზანოვების ეს წამოწყება სათავეშივე ჩაშალა. დავით და იაკობ არზანოვებმა მოსკოვში გამოსცეს წიგნი სომხეთის ისტორიაზე, მათვე შეადგინეს და თბილისში დაბეჭდეს სომხური ენის გრამატიკა. 1847-1849 წლებში დავით არზანოვი ისტორიას ასწავლიდა თბილისის გიმნაზიაში, ხოლო 1850-იან წლებში კავკასიის სასწავლო ოლქის საცენზურო კომიტეტში მსახურობდა ცენზორად, ამასთანავე, წევრი იყო "რუსეთის საიმპერატორო გეოგრაფიული საზოგადოებისა". "პირველი საბიბლიოთეკო ამხანაგობა ტფილისში" 1840 წელს თბილისში დიმიტრი ყიფიანის უშუალო ხელმძღვანელობით დაფუძნდა. ეს იყო პირველი საბიბლიოთეკო ამხანაგობა, რომელიც ქართველ საზოგადო მოღვაწეთა ინიციატივით დაარსდა. დამფუძნებელთა შორის იყვნენ: დიმიტრი ყიფიანი, ზაქარია ერისთავი, ზაქარია ფალავანდიშვილი, ვახტანგ ორბელიანი, ელიზბარ ერისთავი, ზაქარია ორბელიანი, კონსტანტინე დადიანი, ალექსანდრე ონიკაშვილი, ლევან მელიქიშვილი, ნიკოლოზ (ტატო) ბარათაშვილი, თევდორე კოცებუ, ზნაჩკო იავორსკი, ნიკოლოზ ბეზაკი, კონსტანტინე ორლოვსკი, მიხეილ თუმანიშვილი, დიმიტრი ჯორჯაძე, დავით არზანოვი, სერგეი ვასილკოვსკი, დავით ჭავჭავაძე, გრიგოლ ორბელიანი და ივანე ორბელიანი. გამომცემელი.

წყარო: ნარკვევები, ლიტერატურული პორტრეტები, პუბლიკაციები / თამაზ ჯოლოგუა.-თბ.,2022.-გვ.27-28; თბილისის მუზეუმების გაერთიანება: it-it.facebook.com