ალექსანდრე ჭანიშვილი

დაამთავრა საქართველოს პოლიტექნიკური ინსტიტუტი 1939 წელს.

მუშაობა დაიწყო საქართველოს ენერგეტიკისა და ენერგეტიკულ ნაგებობათა სამეცნიერო-კვლევითი ინსტიტუტის ჰიდრავლიკური კვლევების ლაბორატორიაში უმცროს, უფროს მეცნიერ-თანამშრომლად, ლაბორატორიის გამგედ. ტექნიკურ მეცნიერებათა კანდიდატი. გამოიკვლია წყლის ტალღური მოძრაობა სწრაფდენებში ნაკადის აერირების მხედველობაში მიღებით; შეიმუშავა ორიგინალური კონსტრუქცია ხრამჰეს 1-ის გამთანაბრებელ რეზერვუარში მდ. ყარაბულახიდან წყლის მისაღებად; რთული ლაბორატორიული ექსპერიმენტის საფუძველზე დაამუშავა ლაჯანურჰესის თაღოვანი კაშხლის ზედაპირული წყალსაგდების კონსტრუქცია; ენგურჰესის თაღოვანი კაშხლისათვის შექმნა უნიკალური მსხვილმასშტაბიანი მოდელი; შეიმუშავა და ექსპერიმენტულად გამოიკვლია რიგი ჰიდროტექნიკური ნაგებობები სომხეთის ენერგეტიკულ ობიექტებზე; კითხულობდა ლექციებს საქართველოს პოლიტექნიკურ ინსტიტუტში.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.411

• საქართველოს დამსახურებული ინჟინერი