ლია ჭანიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი ინჟინერ-ჰიდროტექნიკოსის კვალიფიკაციით 1955 წელს.

1955-1966წწ. მუშაობდა "თბილჰიდროპროექტში" სხვადასხვა თანამდებობებზე; 1967-1970წწ. საქართველოს წყალთა მეურნეობისა და მელიორაციის სამინისტროს ინსტიტუტ "ორგწყალმშენის" მთავარი სპეციალისტი; 1971 წლიდან - "თბილჰიდროპროექტი". მონაწილეობდა ლაჯანურის, ენგურის ტობარისა და ხუდონის ჰიდროელექტროსადგურების დაგეგმარებაში. 1975 წლიდან მონაწილეობდა ჟინვალის კომპლექსური ჰიდროკვანძის დაგეგმარებაში; 1981 წლიდან - ჰიდროკვანძის პროექტის მთავარი ინჟინერი. დაჯილდოებულია საქართველოს უმაღლესი საბჭოს პრეზიდიუმის საპატიო სიგელით.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.412

• საქართველოს დამსახურებული ინჟინერი