ანა წერეთელი

პოეტ აკაკი წერეთლის უფროსი და. არ გათხოვილა, ცხოვრობდა სხვიტორში, მამისეულ სახლში და აკაკის და-ძმებიდან სხვიტორის მამულს საბოლოოდ ის შემორჩა. 1904 წელს სოსიკო მერკვილაძემ "ივერიაში" გამოაქვეყნა ანას მოგონება აკაკის ბავშვობაზე და მისგანვე ჩაწერილი აკაკის ყრმობის დროინდელი ლექსები. ანა ახლომახლო სოფლებში განთქმული მკურნალი იყო. ივანე ელიაშვილი მას უწოდებდა "ახირებულ ადამიანს, სრულიად გახალხოსნებულს და ექიმბაშს" და დამსუბუქი ირონიით იხსენებდა მის სამკურნალო საქმეებს. ანა წერეთელი გარდაიცვალა სხვიტორში.

წყარო: ნარკვევები, ლიტერატურული პორტრეტები, პუბლიკაციები / თამაზ ჯოლოგუა.-თბ.,2022.-გვ.368