ბეჟან წერეთელი

ბეჟან წერეთლის ადამიანური სისუსტეები არაერთხელ გამხდარა აკაკის სახუმარო ლექსების საგანი, რომელთაგან ზოგიერთი არ არის მოკლებული მსუბუქ სკაბრეზს. ლექსში "პასუხად ბეჟანს" აკაკი ბეჟან წერეთელს უწოდებს "ბერ-კვიც ულაყს"და ამხელს მის გადამეტებულ გატაცებას ქალებით: "ჰაი! ჰაი! გიცნობ, პლუტო, / ქვეშ-ქვეშავდა მუზმუზელა! / დღესაც კიდევ კეკლუც ქალებს / არ აკლიათ შენგან ზელა". ბეჟან წერეთელს ცოლად ჰყავდა ნინო (ნიცა) ბაგრატიონ-დავითაშვილი (1858-1937) – ივანე მაჩაბლის ცოლის და. ბეჟანსა და ნიცას ეყოლათ ხუთი შვილი. ამათგან უმცროსი იყო აკაკის ლექსის ("ღამის თევა") ადრესატი, ტრაგიკული ბედის თამარ (თამუნია) წერეთელი (1903-1968), რომელსაც რამდენიმე ლექსი (მათ შორის, "ანანურთან") უძღვნა ტიციან ტაბიძემ. საჩხერელი თავადი, აკაკის ნათესავი, ქველმოქმედი და კულტურტრეგერი.

წყარო: ნარკვევები, ლიტერატურული პორტრეტები, პუბლიკაციები / თამაზ ჯოლოგუა.-თბ.,2022.-გვ.369

• ქართველთა შორის წერა-კითხვის გამავრცელებელი საზოგადოება, ნამდვილი წევრი (1886-)
• ქართველთა შორის წერა-კითხვის გამავრცელებელი საზოგადოება, დამხმარე წევრი (1886-)